- ڈکیتی کے ملزمان سے رشوت لینے کا معاملہ؛ ایس ایچ او، چوکی انچارج گرفتار
- کراچی؛ ڈاکو دکاندار سے ایک کروڑ روپے نقد اور موبائل فونز چھین کر فرار
- پنجاب پولیس کا امریکا میں مقیم شہباز گِل کیخلاف کارروائی کا فیصلہ
- سنہری درانتی سے گندم کی فصل کی کٹائی؛ مریم نواز پر کڑی تنقید
- نیویارک ٹائمز کی اپنے صحافیوں کو الفاظ ’نسل کشی‘،’فلسطین‘ استعمال نہ کرنے کی ہدایت
- پنجاب کے مختلف شہروں میں ضمنی انتخابات؛ دفعہ 144 کا نفاذ
- آرمی چیف سے ترکیہ کے چیف آف جنرل اسٹاف کی ملاقات، دفاعی تعاون پر تبادلہ خیال
- مینڈھے کی ٹکر سے معمر میاں بیوی ہلاک
- جسٹس اشتیاق ابراہیم چیف جسٹس پشاور ہائی کورٹ تعینات
- فلاح جناح کی اسلام آباد سے مسقط کیلئے پرواز کا آغاز 10 مئی کو ہوگا
- برف پگھلنا شروع؛ امریکی وزیر خارجہ 4 روزہ دورے پر چین جائیں گے
- کاہنہ ہسپتال کے باہر نرس پر چھری سے حملہ
- پاکستان اور نیوزی لینڈ کا پہلا ٹی ٹوئنٹی بارش کی نذر ہوگیا
- نو منتخب امیر جماعت اسلامی حافظ نعیم نے اپنے عہدے کا حلف اٹھا لیا
- تعصبات کے باوجود بالی وڈ میں باصلاحیت فنکار کو کام ملتا ہے، ودیا بالن
- اقوام متحدہ میں فلسطین کی مستقل رکنیت؛ امریکا ووٹنگ رکوانے کیلیے سرگرم
- راولپنڈی میں گردوں کی غیر قانونی پیوندکاری میں ملوث گینگ کا سرغنہ گرفتار
- درخشاں تھانے میں ملزم کی ہلاکت؛ انکوائری رپورٹ میں سابق ایس پی کلفٹن قصور وار قرار
- شبلی فراز سینیٹ میں قائد حزب اختلاف نامزد
- جامعہ کراچی ایرانی صدر کو پی ایچ ڈی کی اعزازی سند دے گی
حکومت کو پھر سُبکی، قومی اسمبلی کا اجلاس ایک ہفتے کیلیے ملتوی کر دیا گیا
اسلام آباد: قومی اسمبلی کا اجلاس غیرمعمولی طور پر ایک ہفتے کے لیے ملتوی کر دیا گیا۔
ایوان میں ایک مرتبہ پھر مسلسل دوسرے روز حکومت کو کورم پر سبکی کا سامنا کرنا پڑا جب کورم نہ ہونے کی وجہ سے پہلے ایوان کی کارروائی آدھے گھنٹے تک معطل رہی اور بعدازاں کورم کے باعث ہی اجلاس غیرمتوقع طور پر جمعرات 17اگست سہ پہر3بجے تک ملتوی کردیا گیا۔
گزشتہ روز قومی اسمبلی کا اجلاس35منٹ کی تاخیر سے11:05پرشروع ہوا تو ایوان میں حکومتی اراکین کی تعداد نہ ہونے کے برابر تھی، حکومتی اراکین سابق وزیراعظم نوازشریف کی ریلی کے باعث ایوان میں حاضر نہیں ہوئے۔ تاہم اس دوران سابق وزیرداخلہ چوہدری نثار اجلاس میں شرکت کے لیے آئے۔
تلاوت قرآن اور نعت رسول مقبول کے بعد جب وقفہ سوالات شروع ہوا تو اس دوران تحریک انصاف کے رکن امجد خان نیازی نے کورم کی نشاندہی کردی۔ ڈپٹی اسپیکر مرتضیٰ جاوید عباسی نے گنتی کرائی اور کورم پورا نہ ہونے پر کارروائی روک دی۔
حکمراں جماعت ن لیگ کے چیف وہپ اور وزیرپارلیمانی امور شیخ آفتاب حکومتی جماعت کے اراکین کو ٹیلیفون کرتے رہے مگر وہ اسلام آباد میں دستیاب نہیں تھے، اس کے باعث آدھے گھنٹے تک ایوان کی کارروائی معطل رہی۔ بعدازاں 12 بج کر50 منٹ پر ڈپٹی اسپیکر ایوان میں آئے اور انھوں نے کورم کے لیے اراکین کی گنتی کروائی تو ایک مرتبہ پھر کورم پورا نہ ہوسکا جس پر ڈپٹی اسپیکر نے قومی اسمبلی کا اجلاس جمعرات 17اگست سہ پہر3 بجے تک ملتوی کردیا۔
خبر ایجنسی کے مطابق کورم کی نشاندہی پرایم کیو ایم کے رکن سید عبدالوسیم برہم ہوگئے اور کہا کہ حکومتی ارکان نہیں آتے تو کیا ہم بھی اپنا کام چھوڑ دیں، سب ملے ہوئے ہیں اوپر سے ایک دوسرے کی مخالفت کرتے ہیں۔ہم عوام کے ووٹ لے کر یہاں آتے ہیں اور اپنے اپنے علاقوں کی نمائندگی کرتے ہیں اور اجلاسوں پر عوام کا پیسہ صرف ہوتا ہے۔ عبدالوسیم نے کہاکہ ہم 7 گھنٹوں کا سفر طے کرکے اجلاس میں آتے ہیں مگر ایوان کو غیر حاضری کی وجہ سے اجلاس نہیں چلتا جس پر امجد خان نیازی نے کہا کہ سوالات کا جواب دینے کے لیے کوئی بھی وزیر موجود نہیں ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔