بے نظیرانٹرنیشل ائیرپورٹ پرمسافرسے بھاری مقدارمیں منشیات برآمد

ویب ڈیسک  جمعـء 11 اگست 2017
مسافرنے ایک کلو گرام سے زائد آئس ہیروئن شلوار کے پائنچوں میں چھپا رکھی تھی، اے ایس ایف: فوٹو: فائل

مسافرنے ایک کلو گرام سے زائد آئس ہیروئن شلوار کے پائنچوں میں چھپا رکھی تھی، اے ایس ایف: فوٹو: فائل

 راولپنڈی: بے نظیر ایئرپورٹ پر اے ایس ایف نے کارروائی کرتے ہوئے مسافر سے بھاری مقدار میں منشیات اسمگل کرنے کی کوشش ناکام بنادی ۔

ایکسپریس نیوز کے مطابق راولپنڈی کے بے نظیر انٹرنیشنل ائیرپورٹ پر اے ایس ایف (ائیرپورٹ سیکیورٹی فورس) نے کارروائی کرتے ہوئے قومی ائیر لائن کی پرواز پی کے 741 کے ذریعے جدہ جانے والے مسافر ذابت الرحمان سے بھاری مقدارمیں آئس ہیروئن بیرون ملک اسمگل کرنے کی کوشش ناکام بنا دی۔

اے ایس ایف حکام کے مطابق مسافرنے ایک کلو گرام سے زائد آئس ہیروئن شلوار کے پائنچوں میں چھپا رکھی تھی جس کی عالمی مارکیٹ میں قیمت 1 کروڑروپے سے زیادہ ہے، ملزم ہنگو کا رہائشی ہے جسے گرفتارکرکے مزید تفتیش کیلئے اے این ایف کے حوالے کردیا گیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔