- مینڈھے کی ٹکر سے معمر میاں بیوی ہلاک
- جسٹس اشتیاق ابراہیم چیف جسٹس پشاور ہائی کورٹ تعینات
- فلاح جناح کی اسلام آباد سے مسقط کیلئے پرواز کا آغاز 10 مئی کو ہوگا
- برف پگھلنا شروع؛ امریکی وزیر خارجہ 4 روزہ دورے پر چین جائیں گے
- کاہنہ ہسپتال کے باہر نرس پر چھری سے حملہ
- پہلا ٹی ٹوئنٹی؛ نیوزی لینڈ کی پاکستان کیخلاف بیٹنگ جاری
- نو منتخب امیر جماعت اسلامی حافظ نعیم نے اپنے عہدے کا حلف اٹھا لیا
- تعصبات کے باوجود بالی وڈ میں باصلاحیت فنکار کو کام ملتا ہے، ودیا بالن
- اقوام متحدہ میں فلسطین کی مستقل رکنیت؛ امریکا ووٹنگ رکوانے کیلیے سرگرم
- راولپنڈی میں گردوں کی غیر قانونی پیوندکاری میں ملوث گینگ کا سرغنہ گرفتار
- درخشاں تھانے میں ملزم کی ہلاکت، سابق ایس پی کلفٹن براہ راست ملوث قرار
- شبلی فراز سینیٹ میں قائد حزب اختلاف نامزد
- جامعہ کراچی ایرانی صدر کو پی ایچ ڈی کی اعزازی سند دے گی
- خیبر پختونخوا میں بیوٹی پارلرز اور شادی ہالوں پر فکسڈ ٹیکس لگانے کا فیصلہ
- سعودی عرب میں قرآنی آیات کی بے حرمتی کرنے والا ملعون گرفتار
- سائنس دان سونے کی ایک ایٹم موٹی تہہ ’گولڈین‘ بنانے میں کامیاب
- آسٹریلیا کے سب سے بڑے کدو میں بیٹھ کر شہری کا دریا کا سفر
- انسانی خون کے پیاسے بیکٹیریا
- ڈی آئی خان میں دہشتگردوں کی فائرنگ سے بچی سمیت 4 کسٹم اہلکار جاں بحق
- سینیٹر مشاہد حسین نے افریقا کے حوالے سے پاکستان کے پہلے تھنک ٹینک کا افتتاح کردیا
وزیر اعظم نے اسحاق ڈار کو ای سی سی میں عہدے سے ہٹا دیا
اسلام آباد: وزیراعظم شاہد خاقان عباسی نے کابینہ کمیٹی برائے توانائی اور اقتصادی رابطہ کمیٹی کی تشکیل نو کردی، کابینہ کمیٹی برائے توانائی اوراقتصادی رابطہ کمیٹی کے چیئرمین وزیراعظم خود ہوں گے جبکہ وزیر خزانہ اسحق ڈارسے ای سی سی کے چیئرمین کا عہدہ واپس لے لیا گیا۔
وزیراعظم کی مصروفیت یا کسی اور وجہ سے وزیراعظم کی عدم موجودگی کی صورت میں وزیرخزانہ ای سی سی کے اجلاس کی صدارت کریں گے۔ ای سی سی کے ممبران میں وفاقی وزرا برائے خزانہ، تجارت، مواصلات، صنعت و پیدوار، قانون وانصاف، وفاقی وزیربرائے نیشنل فوڈ سیکیورٹی، ریلوے، شماریات، آبی وسائل اورنجکاری ہوں گے۔
شاہد خاقان عباسی کابینہ کمیٹی برائے توانائی کے چیئرمین بھی خود ہوں گے۔ کابینہ کمیٹی برائے توانائی کے ممبران میں وزیر خزانہ، وزیر آبی وسائل اور وزیرریلوے شامل ہوں گے۔ اس کے علاوہ سیکریٹری کابینہ ڈویژن اور سیکریٹری ٹو وزیراعظم بھی کمیٹی کے ممبران میں شامل ہوں گے۔
ذرائع کے مطابق وزیرمملکت برائے پٹرولیم اور بجلی کوخصوصی دعوت پر کابینہ کمیٹی برائے توانائی کے اجلاسوں میں بلایا جائے گا۔ اس کے ساتھ ساتھ سیکریٹری خزانہ اور سیکریٹری پٹرولیم، سیکریٹری بجلی اور سیکریٹری آبی وسائل کو بھی اجلاسوں میں شرکت کی خصوصی دعوت دی جائے گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔