- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
’’ فیڈرل گورنمنٹ ایمپلائیزنیوہاؤسنگ اسکیم‘‘ شروع کرنیکا فیصلہ
کراچی: وفاقی حکومت نے ملک بھر میں اپنے ماتحت سرکاری ملازمین کو رہائشی سہولتیں فراہم کرنے کے لیے ’’ فیڈرل گورنمنٹ ایمپلائیزنیو ہاؤسنگ اسکیم‘‘ شروع کرنے کا فیصلہ کیا ہے۔
اس ہاؤسنگ اسکیم کے تحت مختلف کیٹیگریز کے 50ہزار فلیٹس تعمیر کیے جائیں گے۔ یہ ہاؤسنگ اسکیم آئندہ مالی سال کے بجٹ میں شامل کی جائے گی ۔ان فلیٹس کی تعمیرات پر 20ارب روپے خرچ کیے جائیں گے ۔اس ہاؤسنگ اسکیم پرتعمیرات منظوری کے بعد اگست 2013ء سے شروع کی جائے گی ۔یہ منصوبہ تین سال کی مدت میں اگست 2016میں مکمل کیا جائے گا۔وفاقی حکومت کے ذرائع کے مطابق حکومت نے وفاقی اداروں کے ملازمین کو رہائشی سہولتیں دینے کے لیے وزارت ہاؤسنگ کو ایک رہائشی منصوبہ شروع کرنے کے لیے سمری مرتب کرنے کی ہدایت کی تھی ۔
جس کے بعد وزارت ہاؤسنگ نے فیڈرل گورنمنٹ ایمپلائیز ہاؤسنگ اسکیم کے نام سے منصوبے کی سمری مرتب کرلی ۔سمری کے تحت سندھ میں 10 ہزار ،پنجاب میں 15ہزار ،خیبرپختوانخوا میں 12ہزار، بلوچستان میں 8ہزار اوراسلام آباد میں 5ہزار فلیٹس تعمیرکیے جائیں گے۔یہ فلیٹس ایچ ،جی ،ایف ،ڈی ، سی اور بی کیٹگری کے ہوں گے اور کراچی ،اسلام آباد ،لاہور ،پشاور،کوئٹہ ،راولپنڈی ،ملتان ،حیدرآباد اور ملک کے دیگر شہروںمیں تعمیر کیے جائیں گے ۔یہ فلیٹس پانچ منزلہ اور کمپلیکس کی صورت میں ہوں گے ۔یہ کمپلیکس تعلیم ، صحت ، پینے کے صاف پانی ، مسجد اور دیگر سہولتوں سے آراستہ ہوں گے۔
ان فلیٹس کی تعمیر کے لیے اراضی وفاقی حکومت صوبائی حکومتوں سے حاصل کرے گی ۔ان فلیٹس کی تعمیرات زلزلہ پروف ہوں گی ۔ذرائع کا کہنا ہے کہ کابینہ کے آئندہ اجلاس میں سمری کی منظوری کے بعدفیڈرل گورنمنٹ ہاؤسنگ اسکیم کے لیے گرانٹ آئندہ مالی سال کے بجٹ میں شامل کی جائے گی ۔اس اسکیم کے تحت گریڈ ایک تا گریڈ 19 کے افسران و ملازمین کو فلیٹس الاٹ کیے جائیں گے۔ اس منصوبے کے پہلے مرحلے میں 2014 میں 10ہزار فلیٹس،دوسرے مرحلے میں 2015 تک 15ہزار فلیٹس اورآخری مرحلے میں 25 ہزار فلیٹس تعمیر کیے جائیں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔