- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
متحدہ پاکستان نے سعید غنی کی نشست پر مرتضیٰ وہاب کی حمایت کا اعلان کر دیا
کراچی: متحدہ قومی موومنٹ (پاکستان) نے سعید غنی کے استعفے کے بعد خالی ہونے والی سینیٹ کی نشست پر انتخاب میں پیپلزپارٹی کے امیدوار مرتضیٰ وہاب کی حمایت کا اعلان کر دیا ہے اور سینیٹ میں اپنے دونوں امیدواروں کو پیپلزپارٹی کے امیدوار کے حق میں دستبردار کرا لیا ہے۔
ایم کیو ایم رابطہ کمیٹی کے ڈپٹی کنوینر کنور نوید جمیل نے گزشتہ روز پیپلزپارٹی کے وفد سے ملاقات کے بعد پریس کانفرنس میں اعلان کرتے ہوئے کہا کہ متحدہ قومی موومنٹ (پاکستان) سعید غنی کے استعفے کے بعد خالی ہونے والی سینیٹ کی نشست پر انتخاب میں پیپلزپارٹی کے امیدوار مرتضیٰ وہاب کی حمایت کرتی ہے۔
اس موقع پر پیپلز پارٹی کے وفد نے نثار کھوڑو کی قیادت میں متحدہ پاکستان کے رہنماؤں سے بہادر آباد میں ان کے دفتر میں ملاقات کی، پیپلزپارٹی کے وفد میں صوبائی وزیر ناصر حسین شاہ ،ڈاکٹرعاصم حسین اور بیرسٹر مرتضیٰ وہاب شامل تھے جبکہ اس موقع پر متحدہ پاکستان کی رابطہ کمیٹی کے اراکین خواجہ اظہار الحسن، فیصل سبزواری، ابو بکر، محمد شاہد اور خالد سلطان بھی موجود تھے، ملاقات میں سیاسی صورت حال، بلدیاتی امور اور ترقیاتی کاموں پر تبادلہ خیال کیا گیا۔
پیپلزپارٹی کے وفد نے ایم کیو ایم سے درخواست کی کہ سینیٹ کی نشست پر ان کے امیدوار بیرسٹر مرتضیٰ وہاب کی حمایت کی جائے، ایم کیو ایم نے پیپلزپارٹی کو سندھ حکومت کی جانب سے بلدیاتی نمائندوں اور حکومتوں کے ساتھ عدم تعاون، کارکنان کی گرفتاریوں، جیلوں میں اسیر کارکنوں کے ساتھ ناروا سلوک، ترقیاتی کاموں میں شہری علاقوں کو نظرانداز کرنے، فنڈز کی عدم فراہمی اور دیگر معاملات پر اپنے تحفظات سے آگاہ کیا، پیپلزپارٹی نے ان مطالبات اور تحفظات کو قانون کے مطابق حل کرنے کی یقین دہانی کرائی۔
بعد ازاں پریس کانفرنس سے خطاب کرتے ہوئے کنور نوید جمیل نے کہا کہ مرتضیٰ وہاب فوزیہ وہاب کے بیٹے اور پیپلزپارٹی کے امیدوار ہیں، مرتضی وہاب سے ہمارے گہرے تعلقات ہیں، اس لیے ایم کیو ایم نے سینیٹ کی سیٹ پر مرتضیٰ وہاب کی حمایت کا اعلان کیا ہے۔
اس موقع پر نثار کھوڑو نے یقین دہانی کرائی کہ وہ مسائل کے حل کیلیے وزیراعلیٰ سندھ سے بات کریں گے اور مسائل کا حل نکالا جائے گا، نثارکھوڑو نے کہا کہ ہم ایم کیو ایم پاکستان کے شکر گزار ہیں کہ انھوں نے ہمارے امیدوار کی حمایت کا اعلان کیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔