ملتان میں بیوی کے تشدد سے شوہر ہلاک

ویب ڈیسک  اتوار 13 اگست 2017
مقتول بلال نے پانچ سال قبل ملزمہ خورشید بی بی سے دوسری شادی کی تھی۔ فوٹو: ایکسپریس نیوز

مقتول بلال نے پانچ سال قبل ملزمہ خورشید بی بی سے دوسری شادی کی تھی۔ فوٹو: ایکسپریس نیوز

ملتان: بدھلہ سنت میں بیوی نے تشدد کرکے اپنے شوہر کو قتل کردیا۔

ایکسپریس نیوز کے مطابق ملتان کے علاقے بدھلہ سنت میں بیوی نے گھریلو جھگڑے پر ڈنڈے کے وار کرکے شوہر کو قتل کردیا۔ پولیس نے ملزمہ کو گرفتار کرکے قانونی کارروائی شروع کردی ہے۔ پولیس نے بتایا کہ ملزمہ نے شوہر کو نشہ آور چیز کھلا کر بے ہوش کیا اور پھر سر پر ﮈنڈے مار مار کر قتل کردیا۔

یہ بھی پڑھیں: شوہر نے بیڈ ٹی نہ دینے پر بیوی کو قتل کردیا

اہل علاقہ نے بتایا کہ دونوں میاں بیوی کے درمیان گزشتہ چند روز سے جھگڑا چل رہا تھا۔ مقتول بلال نے پانچ سال قبل ملزمہ خورشید بی بی سے دوسری شادی کی تھی۔ پولیس نے واقعے کا مقدمہ درج کرلیا ہے اور ملزمہ سے مزید تفتیش کی جارہی ہے۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔