- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
- ویمنز کوالیفائر؛ آئی سی سی نے ثنامیر کو ’’برانڈ ایمبیسڈر‘‘ مقرر کردیا
وزیراعظم کی طرف سے کراچی، حیدرآباد پیکیج کا اعلان
نومنتخب وزیراعظم شاہد خاقان عباسی کی کراچی آمد صوبے اور پاکستان کے سب سے بڑے شہرکراچی کے لیے انتہائی اہم ثابت ہوئی ہے ، یوں کہہ لیجیے کہ ایک بہت بڑی خوشخبری کا اعلان ہوا، جس کا مطالبہ بہت طویل عرصے اور بڑی شدومد سے کیا جا رہا تھا۔ وزیراعظم نے وفاقی حکومت کی جانب سے کراچی کے لیے 25 ارب روپے اور حیدرآباد کے لیے 5 ارب روپے کے ترقیاتی پیکیج کا اعلان کیا ہے۔ اس پیکیج کے تحت انفرااسٹرکچر اور دیگر منصوبوں کو مکمل کیا جائے گا اور عوامی مسائل کے حل کے لیے مزید منصوبے شروع کیے جائیں گے۔
حقیقی معنوں میں دیکھا جائے توکراچی جیسے میگا سٹی کے باسیوں کے مسائل بہت زیادہ بڑھ چکے ہیں۔ شہر میں روزمرہ کے مسائل سے لے کر پانی وبجلی کی عدم دستیابی ، سڑکوں کی خستہ حالی سے لے کر شہرکچرے کا ڈھیر بن چکا، پورا انفرا اسٹرکچر آبادی کے بے تحاشا دباؤ کے باعث تباہ ہوچکا ہے ۔ ٹریفک کا نظام درہم برہم ہے، پینے کے پانی کی شدید ترین قلت ہے۔
مسائل کی نہ ختم ہونے والی طویل فہرست ہے ،گوکہ امن وامان کی صورتحال ماضی کی نسبت خاصی بہتر ہوئی ہے لیکن ابھی تک اسٹریٹ کرائمز کی کثرت وبہتات ہے، جس نے عام شہریوں کو عدم تحفظ کا شکار بنا رکھا ہے۔ ان مسائل کے تناظر میں دیکھا جائے تو یہ ایک مثبت پیش رفت ہے جس پر ملک گیر سطح پر فوری طور پر عملدرآمد شروع ہونا چاہیے۔ ایم کیوایم کے وفد سے گفتگو کرتے ہوئے وزیراعظم کا کہنا تھا کہ حکومت متحدہ قومی موومنٹ پاکستان کے سیاسی مینڈیٹ کو تسلیم کرتی ہے۔
حکومت کا آخری سال ہے ، اگلے برس الیکشن ہونے والے ہیں ، لہذا وفاقی حکومت کو چاہیے کہ وہ کراچی ، حیدرآباد سمیت ملک کے دیگر چھوٹے بڑے شہروں اور قصبوں کے لیے بھی خصوصی ترقیاتی پیکیجزکا جلد اعلان کرے ، تاکہ عوام کے مسائل حل ہوں، ترقیاتی منصوبوں کی تکمیل سے نہ صرف پاکستانی عوام کے مسائل میں کمی واقع ہوگی بلکہ ملک بھر میں معاشی اورتجارتی سرگرمیوں میں اضافہ ہوسکے گا۔جس کی وجہ سے روزگارکے بہتر مواقعے پیدا ہوں گے ۔ جمہوریت کے استحکام کے لیے ضروری ہے کہ عوام خوشحال ہوں اور انھیں ریلیف ملے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔