سعودی عرب نے پاکستان کیلئے حج کوٹے میں 10 ہزارکا اضافہ کردیا

جدہ: سعودی عرب اورپاکستان نے حج معاہدہ 2013پردستخط کردیئے ہیں جس کے تحت پاکستان کے کوٹے میں 10ہزارکا اضافہ کردیا گیا ہے۔

جدہ میں سعودی عرب کے مذہبی امورکے وزیراور پاکستان کےوفاقی وزیرخورشید شاہ نے معاہدے پر دستخط کیے، معاہدے کے تحت اس سال پاکستان سے ایک لاکھ 80 ہزار عازمین حج کا فریضہ انجام دینے کے لیے سعودی عرب جائیں گے۔ ان میں سے 50 فیصد کوسرکاری جبکہ باقی  50فیصد کونجی اسکیم پر حج کی سعادت حاصل ہوگی۔ رواں سال 40 ہزار پاکستانی عازمین مدینہ منورہ اتریں گے جبکہ پاکستان سے روانہ ہونے والے عازمین الیکٹرانک طور پر سعودی عرب کی وزارت حج سے منسلک ہو جائیں گے۔