- پاکستان اور نیوزی لینڈ کے مابین چوتھا ٹی ٹوئنٹی آج کھیلا جائے گا
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
- غزہ کی اجتماعی قبروں میں فلسطینیوں کو زندہ دفن کرنے کا انکشاف
- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
- کیا عماد، عامر اور فخر کو آج موقع ملے گا؟
- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
70 سال میں اشرافیہ کی وجہ سے ملک کو ہچکولے ملے، شہباز شریف
لاہور: وزیراعلیٰ پنجاب شہباز شریف کا کہنا ہے کہ 70 سال میں اشرافیہ کی وجہ سے ملک کو ہچکولے ملے جب کہ آج اشرافیہ مجھ سمیت کٹہرے میں کھڑی ہے۔
لاہور میں یوم آزادی کے حوالے سے تقریب سے خطاب میں وزیراعلیٰ پنجاب شہباز شریف کا کہنا تھا کہ پاکستان لاکھوں مسلمانوں کی لازوال قربانیوں اور عظیم جدوجہد کا ثمر ہے،علامہ اقبال نے آزاد اور خودمختار ریاست کا خواب دیکھا جو قائداعظم کی بے مثال قیادت میں شرمندہ تعبیر ہوا، آزادی ایک بہت بڑی نعمت ہے اور زندہ قومیں اپنا یوم آزادی بھرپور طریقے سے مناتی ہیں۔ ان کا کہنا تھا کہ پاکستان کے لیے برصغیر کے مسلمانو ں نے خون کی ندیاں عبور کیں، ہم نے آزادی جیسی نعمت تو ضرور حاصل کی مگر ابھی تک قیام پاکستان کے مقاصد حاصل نہیں ہو سکے جب کہ آج خود احتسابی کا دن ہے اور سوچنا ہوگا کہ ہم دوسری قوموں سے کیوں پیچھے ہیں۔
شہباز شریف نے کہا کہ آج عوام میں وہی جذبہ بیدار کرنے کی ضرورت ہے جو قیام پاکستان کے وقت تھا، پاکستان کو آگے لیجانے کے لیے ہر فرد کو اپنی اپنی جگہ محنت سے کام کرنا ہوگا، آزادی کی نعمت کے تحفظ کے لیے معاشرے میں باہمی تعاون اور خیر سگالی کو فروغ دینا ہوگا۔
شہباز شریف نے کہا کہ پوری قوم دہشت گردی کے ناسور کو جڑ سے اکھاڑ پھینکنے کے لیے پر عزم ہے، آپریشن ضرب عضب اور آپریشن ردالفساد اس عزم کی اعلی مثالیں ہیں جب کہ پاکستان کے استحکام اور امن کے لئے اپنی جانیں قربان کرنے والے قوم کے ہیرو ہیں، ہمیں یوم آزادی مناتے وقت قوم کے ان ہیروز کو بھی خراج عقید ت پیش کرنا ہے۔ انہوں نے کہا کہ یوم آزادی منانے کا مقصد پاکستان کے بانیوں اور تحریک پاکستان کے کارکنوں کو خراج عقیدت پیش کرنا ہے، بانیان پاکستان کے عزم اور حوصلے کی بدولت قوم کو ایک آزاد، اسلامی اور فلاحی ریاست نصیب ہوئی ہے جب کہ آج تحریک پاکستان کے شہداء کی عظیم قربانیوں کو خراج عقیدت پیش کرنے کا دن ہے۔
شہباز شریف نے کہا کہ تحریک پاکستان کی جدوجہد ہمارے بزرگوں کی محنت سے عبارت ہے، آج کے دن ہمیں پھر سے یہ عزم کرنا ہوگا کہ ہم آئین پاکستان پر عمل پیرا ہوکر پاکستان کو آگے ترقی کی طرف لے جائیں گے اور یہ عہد کریں کہ ہم ایمان، اتحاد اور نظم و ضبط کے ساتھ پاکستان کو مضبوط و خوشحال ملک بنانے کی جدوجہد جاری رکھیں گے، آج کے دن ہمیں ماضی کی غلطیوں سے سبق سیکھ کر آگے بڑھنے اورقائد و اقبال کے تصورات اور افکار کے مطابق تکمیل پاکستان کی منزل کے حصول کا عہد کرنا ہے۔ انہوں نے کہا کہ ہمیں دیکھنا ہوگا کہ 70سال میں کیا کھویا اور کیا پایا، اللہ کے فضل و کرم سے قوم کی دعاوں، افواج پاکستان کی پوری کوشش سے پاکستان آج ایک ایٹمی طاقت بن چکا ہے، دشمن ہماری طرف میلی آنکھ سے نہیں دیکھ سکتا۔
وزیراعلیٰ پنجاب کا کہنا تھا کہ قائداعظم نے کہا تھا کرپشن اوررشوت زہر قاتل ہے، آج پاکستان کے چہارسو ذہین لوگ تعلیم سے محروم ہیں تو اس کی وجہ کرپشن ہے، اگر آج بھی کوئی رات کو پیٹ بھر کر نہیں سوتا، ڈر ہے کہ کوئی درندہ ان کی عزت لوٹ لے گا، لوگ اگر اپنے مذہبی اور قومی تہواروں کو منانے اور بیٹی کی شادی کے لیے پریشان ہیں تو اس کی وجہ کرپشن ہے۔ مساوی حقوق ملنا ہی پاکستان کی بنیاد تھی، معاشرے میں سب برابر ہیں اور سب کو ترقی کے مساوی مواقع حاصل ہونے چاہیے تھے تاہم ہمیں عہد کرنا ہو گا کہ پاکستان کی ترقی کیلئے دن رات محنت کرنا ہوگی، 70 سال میں اشرافیہ کی وجہ سے ملک کو ہچکولے ملے اور آج اشرافیہ مجھ سمیت کٹہرے میں کھڑی ہے، مٹھی بھر لوگوں کو قوم نے 70سال سے منتخب کیا، کون نہیں جانتا کہ ملک کی جڑوں کو کس نے کھوکھلا کیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔