- پی ایس ایل اور مردم شماری کےلئے پولیس کی نفری کم پڑگئی
- لائسنس کی تجدید میں مبینہ تاخیر؛ 5 کمپنیوں کے فلائٹ آپریشن معطل
- 9 فلسطینیوں کی شہادت پر نکالی گئی ریلی پر اسرائیلی فورسز کا کریک ڈاؤن، متعدد زخمی
- کراچی میں ہفتے اور اتوار کو بوندا باندی کی پیش گوئی
- اسلام آباد تا کراچی؛ جدید سہولتوں کی حامل گرین لائن ایکسپریس ٹرین کا افتتاح
- کسٹم انٹیلی جنس کی کارروائی، جنگی طیاروں کا اسمگل شدہ آئل بڑی مقدار میں برآمد
- اپنی ڈیڑھ سالہ بیٹی کی لاش کچرے میں پھینکنے والی خاتون گرفتار
- خیبرپختونخوا کے نگراں وزیر حاجی غفران کا تنخواہ اور مراعات نہ لینے کا اعلان
- دو دن سے واہگہ پر موجود بھارتی بیس بال ٹیم پاکستان پہنچ گئی
- پولیس مقابلہ اور ڈکیتی کے مجرم کو 32 سال قید کا حکم
- کیماڑی میں جاں لیوا پراسرار بیماری سے اموات؛ حکومتی مشینری سرگرم
- بحران پر قابو پانے کے لیے ایک ارب ڈالر پاکستان لاسکتے ہیں، ایکسچینج کمپنیز آف پاکستان
- ویسٹ ایشیاء بیس بال کپ، بھارتی ٹیم بالآخر پاکستان پہنچ گئی
- دالوں کا صرف 15 دن کا اسٹاک باقی رہ گیا
- سرد اور گرد آلود ہواؤں سے موسمی بخار؛ کراچی میں بچے اور بزرگ زیادہ متاثر
- پرویز الہیٰ اور اُن کے ساتھیوں نے غداری کی، چوہدری سالک حسین
- یورپ، امریکا اور برطانیہ میں پاکستانی سفارتخانوں کے ملازمین کو 6 ماہ سے تنخواہ نہ ملی
- میرے قتل کا پلان سی تیار، زرداری نے دہشت گرد تنظیم کو پیسہ دیا ہے، عمران خان
- چیونٹیاں مریضوں میں کینسر کی تشخیص کر سکتی ہیں، تحقیق
- امریکی ہائی اسکول کی لائٹیں مسلسل 15 ماہ سے روشن
جولائی تا جنوری تجارتی خسارہ12 فیصد کمی سے11.62 ارب ڈالر رہ گیا

گزشتہ 7ماہ کے دوران پاکستان نے مختلف ممالک کو 14 ارب 6 کروڑ 80لاکھ ڈالر کی مصنوعات برآمد کیں۔ فوٹو: اے ایف پی/ فائل
کراچی: پاکستان کو تجارت میں رواں مالی سال کے ابتدائی 7ماہ (جولائی2012 تاجنوری 2013) کے دوران 11 ارب 61 کروڑ 70لاکھ ڈالر کا خسارہ ہوا ۔
جو گزشتہ مالی سال کی اسی مدت سے 12.05 فیصد کم ہے، جولائی 2011 سے جنوری2012 تک تجارتی خسارے کی مالیت 13 ارب 20 کروڑ90لاکھ ڈالر رہی تھی، تجارتی خسارے میں کمی کی بڑی وجہ مذکورہ مدت میں برآمدات میں 7 فیصد اضافہ ہے تاہم اس دوران درآمدات میں بھی کمی آئی، گزشتہ 7ماہ کے دوران پاکستان نے مختلف ممالک کو 14 ارب 6 کروڑ 80لاکھ ڈالر کی مصنوعات برآمد کیں ۔
جو گزشتہ مالی سال کے ابتدائی 7 ماہ میں 13ارب 11کروڑ80لاکھ ڈالر کی برآمدات سے 7.24 فیصد زیادہ ہے، جولائی سے جنوری2013تک پاکستان نے مختلف ممالک سے 2.44 فیصد کمی سے 25 ارب 68 کروڑ50 لاکھ ڈالر کی اشیا درآمد کیں، گزشتہ مالی سال کی اسی مدت میں درآمدات کی مالیت 26ارب 32 کروڑ 70لاکھ ڈالر رہی تھی۔ پاکستان بیورو شماریات سے جاری اعدادوشمار کے مطابق جنوری میں برآمدات کی مالیت 2ارب 2کروڑ30لاکھ ڈالر، درآمدات کی مالیت 3 ارب 76 کروڑ 30لاکھ ڈالر اور تجارتی خسارہ 1ارب 74کروڑ ڈالر رہا جو جنوری2012 میں ہونے والے 1ارب 73 کروڑ 30 لاکھ ڈالر کے تجارتی خسارے سے 0.40 فیصد زیادہ ہے۔
گزشتہ ماہ برآمدات سال بہ سال 5.58 فیصد اور درآمدات 3.12 فیصد زائد رہیں، جنوری 2012 میں برآمدات کی مالیت 1 ارب 91 کروڑ60لاکھ ڈالراور درآمدات کی مالیت 3ارب 64کروڑ 90 لاکھ ڈالر رہی تھی، اسی طرح جنوری 2013 میں دسمبر2012 کے مقابلے میں برآمدات 2.74 فیصد، درآمدات 2.48 فیصد اور تجارتی خسارہ 2.17 فیصد زائد رہا، دسمبر 2012 میں برآمدات کی مالیت 1ارب 96 کروڑ 90لاکھ ڈالر، درآمدات کی مالیت 3ارب 67 کروڑ 20لاکھ ڈالر اور تجارتی خسارہ 1 ارب 70 کروڑ 30لاکھ ڈالر رہا تھا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔