- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
- کراچی میں سیشن جج کے بیٹے قتل کی تحقیقات مکمل،متقول کا دوست قصوروار قرار
- غزہ کے اسپتالوں میں اجتماعی قبروں نے اقوام متحدہ کو بھی خوفزدہ کردیا
- ایکس کی اسمارٹ ٹی وی ایپ متعارف کرانے کی تیاری
- جوائن کرنے کے چند ماہ بعد ہی اکثر لوگ ملازمت کیوں چھوڑ دیتے ہیں؟
- لڑکی کا پیار جنون میں تبدیل، بوائے فرینڈ نے خوف کے مارے پولیس کو مطلع کردیا
- تاجروں کی وزیراعظم کو عمران خان سے بات چیت کرنے کی تجویز
- سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
- امریکی یونیورسٹیز میں اسرائیل کیخلاف ہزاروں طلبہ کا مظاہرہ، درجنوں گرفتار
ایسے ملک میں رہنا چاہتا ہوں جہاں بولنے کی آزادی ہو،شاہ رخ خان
ممبئی: گزشتہ روز بھارت کا 70 واں جشن آزادی منایا گیا، تاہم اس موقع پر بھارتی اداکاروں نے نام نہاد سیکیولر بھارت کا مکروہ چہرہ سب کے سامنے بے نقاب کرتے ہوئے ایک محفوظ اور بہتر بھارت کے قیام کی خواہش کا اظہار کیا، بھارت کے بارے میں بالی ووڈ اسٹارز کیا سوچتے ہیں ان کی اپنے ملک کے بارے میں کیا رائے ہے یہ جان کر آپ حیران رہ جائیں گے۔
شاہ رخ خان
بالی ووڈ کنگ شاہ رخ خان کے بھارت میں کروڑوں مداح ہیں جوان کی ایک جھلک دیکھنے کیلئے گھنٹوں لائنوں میں لگے رہتے ہیں، شاہ رخ خان بھی اپنے ملک اور مداحوں سے بے انتہا محبت کرتے ہیں محب وطن شہری ہونے کے باوجود شاہ رخ خان کا مسلمان ہونا جرم بن گیا ہے اور مسلمان ہونے کی وجہ سے انہیں کئی بارنہایت محتاط انداز میں بات کرنے کے ساتھ اپنی وطن سے محبت ثابت کرنی پڑتی ہے، انہوں نے بھارت کے یوم آزادی کے موقع پر میڈیا سے بات کرتے ہوئے کہا کہ اس یوم آزادی پر اگر انہیں آزادی کیلئے کسی چیز کا انتخاب کرنا پڑے تو وہ بنا جھجھکے بولنے کی آزادی چاہیں گے۔
اس خبرکوبھی پڑھیں: ہندو انتہاپسندوں کا شاہ رخ خان کی گاڑی پر حملہ
انہوں نے کہا کہ میں آزادی کے ساتھ اظہار خیال کرنے سے بہت ڈرتاہوں کیونکہ اگرمیں کوئی سنجیدہ بات کرتاہوں تو دوسرے دن میڈیا اسے توڑ مروڑ کر پیش کرتا ہے لہٰذا مجھے عوامی مقامات پر یا میڈیا کے سامنے بات کرنے سے بہت ڈر لگتا ہے، مجھے خود پتہ نہیں ہوتا کہ میری بات کا کیا مطلب نکالا جائے گا صرف میں ہی نہیں بلکہ میرے بچے بھی اسی خوف میں جی رہے ہیں، اس لیے میں بولنے کی آزادی چاہتا ہوں، میں ایک ایسا ملک چاہتا ہوں جہاں میں بلا خوف و خطر اپنے خیالات کا اظہار کرسکوں لیکن مجھے یہ آزادی ملنا مشکل ہے۔
رنبیرکپور
بالی ووڈ کےچاکلیٹی ہیرو رنبیر کپور نے بھارت کا مکروہ چہرہ بے نقاب کرتے ہوئے کہا کہ ہمارے ملک میں بیت الخلا سب سے بڑامسئلہ ہے، کھلے میں رفع حاجت کرنے کی وجہ سے کئی لوگ خاص طور پر خواتین کئی مسائل کا شکار ہوچکی ہیں جب کہ کئی لوگوں کی موت بھی واقع ہوچکی ہے، لہٰذا ہمیں کسی مسیحا یا فرشتے کا انتظار کیے بغیر اپنے ملک کے مسائل حل کرنے کیلئے خود سامنے آنا ہوگا، بھارت میں بہت گندگی اور غربت ہے، میں بھارت کو صاف دیکھنا چاہتا ہوں، اپنے ملک کو صاف رکھنے کیلئے میں ہر جگہ کھڑا ہوں لیکن نجانے میری یہ خواہش کب پوری ہوگی۔
سری دیوی
بالی ووڈ کی نامور اداکارہ سری دیوی نے بھارت کے سب سے بڑے مسئلے کی طرف توجہ دلاتے ہوئے کہا کہ بھارت میں خواتین بالکل بھی محفوظ نہیں ہیں، میں آزادی کے موقعے پرایک ایسے ملک کا تصور کرتی ہوں جہاں مجھے اپنی بیٹیوں کو لے کر یہ خوف محسوس نہیں ہوگا کہ اگر وہ کہیں باہر یا کسی پارٹی میں گئی ہیں تو صحیح سلامت گھر واپس کب لوٹیں گی ، بھارت کو آزاد ہوئے 70 برس گزر گئے لیکن خواتین کیلئے ہمارے معاشرے کی سوچ اب بھی نہیں بدلی ہے ، بھارت میں عورتیں آج بھی غیرمحفوظ ہیں اور ان کی حفاظت کیلئے کوئی موثر اور سخت قانون بھی نہیں ہے، عورتوں کے ساتھ زیادتی کرنے والے مجرموں کو چند مہینوں بعد ہی چھوڑدیا جاتا ہے ہمارے ملک میں انسانوں کے بھیس میں آج بھی شیطان گھوم رہے ہیں لہٰذا میں ایک ایساملک چاہتی ہوں جہاں پر عورت مکمل طور پر محفوظ رہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔