جانئے آج آپ کا دن کیسا رہے گا

عائشہ شریف صابری  اتوار 22 جولائ 2018
جانیے آج کے دن آپ کے ستارے کیا کہتے ہیں۔ فوٹو : فائل

جانیے آج کے دن آپ کے ستارے کیا کہتے ہیں۔ فوٹو : فائل

حمل:
21 مارچ تا 21 اپریل

ہم گزشتہ آپ کو مشورہ دے چکے ہیں کہ خود کو بدلنے کی کوشش کیجیے، ہر کام کو جذباتیت کی نظر سے نہ دیکھا کریں تاکہ ہر کام خوش اسلوبی کے ساتھ اپنے حقیقی مقام تک پہنچ جایا کرے۔

ثور:
22اپریل تا20 مئی

نیا کاروبار شروع نہ کریں بلکہ اسی کاروبار کو وسعت دینے کی کوشش کریں جو پہلے سے شروع کیا گیا ہے، شریک کار پر زیادہ بھروسہ کرنا فائدہ مند ثابت نہیں ہو سکتا بلکہ خود ذمے داری لیں۔

جوزا:
21مئی تا 21 جون

بعض قریبی رشتہ دار اپنی حرکتوں پر ندامت کا اظہار کر سکتے ہیں آپ بھی ایسا ہی کریں اور انھیں معاف کر دیں اور ان کے ساتھ اچھا سلوک کریں کیونکہ بعض رشتوں سے دور رہ کر انسان خوش نہیں رہ سکتا۔

سرطان:
22جون تا23جولائی

آپ کے مخالف بھی آپ کے خلاف سازشوں کا محاذ لگا سکتے ہیں، گزشتہ پیش آنے والے واقعات ایسے نہیں ہے کہ انھیں آسانی سے فراموش کیا جا سکے، راہ چلتے اور گاڑی چلاتے ہوئے محتاط رہیں۔

 

اسد:
24جولائی تا23اگست

بسلسلہ کاروبار اگر محض آپ نے اپنی انا اور سابقہ واقعات کی بنا پر ان کاروباری لوگوں کو دھتکار دیا تو یہ محض آپ کی عظیم غلطی ہو سکتی ہے اور جلد ہی آپ کو اس کا خمیازہ بھی بھگتنا پڑ سکتا ہے۔

سنبلہ:
24اگست تا23ستمبر

لین دین کے معاملات میں کسی پر بھی بھروسہ نہ کریں اس میں کوئی شک و شبہ نہیں ہے کہ آپ تھوڑی سی جدوجہد کا غیر معمولی صلہ پاسکتے ہیں موجودہ کاروبار بھی وسعت اختیار کرسکتا ہے۔

میزان:
24ستمبر تا23اکتوبر

ترقی کے بند راستے خود بخود کھتے چلے جائیں گے بس ذرا اپنی اعلیٰ صلاحیتوں کو پوری ہمت و جرات کے ساتھ بروئے کار لے آئیے اور پھر دیکھئے کہ کھویا ہوا مقام کس قدر جلد آپ کو حاصل ہو جاتا ہے۔

عقرب:
24اکتوبر تا 22نومبر

ماضی میں چند دوستوں نے آپکا ساتھ دیا ہے لیکن اس حقیقت سے بھی انکار نہیں کہ سب ہی انسان ایک جیسے نہیں ہوتے، دنیا میں کچھ لوگ ایسے بھی ہوتے ہیں جو دوستی کے لیے بہت کچھ قربان کر ڈالتے ہیں۔

قوس:
23نومبر تا22دسمبر

لین دین کے معاملات میں کسی پر بھی بھروسہ نہ کریں، اس میں کوئی شک و شبہ نہیں ہے کہ آپ تھوڑی سی جدوجہد کا غیر معمولی صلہ پا سکتے ہیں، موجودہ کاروبار خاصی وسعت اختیار کر سکتا ہے۔

جدی:
23دسمبر تا20جنوری

بزرگان روحانی سے خصوصی فیض حاصل ہو سکتا ہے بعض الجھے ہوئے امور ان کی مدد کے سبب حل ہو سکتے ہیں، اولاد کے سلسلے میں خوشی حاصل ہو سکتی ہے آپ اپنی مرضی سے ان کا رشتہ طے کر سکیں گے۔

دلو:
21جنوری تا19فروری

بات بات پر الجھنا چھوڑ دیں اور جذبات کے اندھے کنویں میں چھلانگ لگا دینے والی اس پرانی عادت ترک کر دیجیے اور ہر امر کا فیصلہ سوچ بچار اور انتہائی ٹھنڈے دل و دماغ کے ساتھ کیجیے۔

حوت:
20 فروری تا 20 مارچ

گزشتہ ملنے والے سبق کو آپ نے فراموش نہیں کیا ہو گا اسے کبھی نہ بھلائیں اور ہمیشہ اس عہد پر قائم رہنے کی کوشش کیجیے جو کہ گزشتہ آپ نے اپنے آپ سے کیا لہٰذا ہر معاملے میں محتاط رہیں۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔