ریحام خان نے کے پی بلین ٹری منصوبے میں بڑے پیمانے پر کرپشن کی نشاندہی کر دی

اسلام آباد:  ریحام خان نے خیبر پختونخوا کے بلین ٹری منصوبے میں بڑے پیمانے پر کرپشن کی نشاندہی کی ہے۔

ریحام خان نے خیبر پختونخوا کے احتساب کمیشن کے پاس پڑی ایک درخواست ٹویٹ کی ہے جس کے مطابق ڈسٹرکٹ فاریسٹ آفیسر مردان نے پودوں کے ٹھیکوں میں صرف ایک سال میں ساڑھے چار کروڑ روپے کمیشن بنایا۔ جو ڈیڑھ کروڑ پودے لگائے جانے تھے ان میں سے ایک بھی نہیں لگایا گیا۔

اس خبرکوبھی پڑھیں: تیسری شادی میں شاید عمران خان کو صحیح ٹریک والی شریک حیات مل جائے، ریحام خان

Before trolling read these documents & provide answers. Billion Trees or billion cover ups https://t.co/6H4BQch95w

— Reham Khan (@RehamKhan1) August 18, 2017

اس خبرکوبھی پڑھیں: پی ٹی آئی رہنما مجھ پر دھرنا ناکام بنانے کے الزامات لگا رہے ہیں، ریحام خان

واضح رہے کہ خیبر پختونخوا میں عمران خان کی جماعت تحریک انصاف برسراقتدار ہے ، عمران خان ہی کی تجویز پر صوبے میں ماحولیاتی تبدیلیوں سے بچاؤ کے لیے ایک ارب درخت لگانے کا منصوبہ شروع کیا تھا۔ عمران خان اپنی ہر تقریر میں بلین ٹری منصوبے کو شفاف قرار دیتے ہیں۔