کرینہ کپورتیمورکولے کرنئی مشکل میں پھنس گئیں

ویب ڈیسک  اتوار 20 اگست 2017
ہندی سینما میں ماضی کے مقابلے میں اب خواتین کو بہتر انداز میں پیش کیا جارہا ہے؛کرینہ کپور؛فوٹوفائل

ہندی سینما میں ماضی کے مقابلے میں اب خواتین کو بہتر انداز میں پیش کیا جارہا ہے؛کرینہ کپور؛فوٹوفائل

ممبئی: بالی ووڈ کی بے بوکرینہ کپور خان کا کہنا ہے کہ چھوٹے بچے کے ساتھ ذاتی اورپروفیشنل زندگی گزارنا بے حد مشکل ہے لیکن وہ اپنی زندگی کو بہتر انداز میں گزارنے کی بھرپور کوشش کررہی ہیں۔

نامور بالی ووڈ اداکارہ کرینہ کپورخان گھرسے باہر کام کرنے والی خاص طور پر شوبز انڈسٹری سے وابستہ خواتین کیلئے ایک اعلیٰ مثال ہیں جنہوں نے اپنے کیرئیرکے عروج پر نہ صرف شادی کی بلکہ ایک خوبصورت سے بیٹے کی ماں بھی بنیں جب کہ ماضی میں اداکارائیں کیرئیر کے عروج پر شادی کرنے کا تصور بھی نہیں کرتی تھیں تاہم کرینہ نےاس رجحان کو بدلنے میں اہم کردار ادا کیا۔

اس خبرکوبھی پڑھیں: کرینہ کی بے اختیار حرکتوں سے تیمور پریشان

حال ہی میں ایک انٹرویوکے دوران کرینہ نے کہا کہ ہندی سینما میں ماضی کے مقابلے میں اب خواتین کو بہتر انداز میں پیش کیا جارہا ہے، خواتین کیلئے ایسے کردار لکھے جارہے ہیں جن میں انہیں ایک مضبوط ،کامیاب اور مشکل حالات کا مقابلہ کرنے والی خاتون دکھایا جارہا ہے۔

کرینہ نے اپنی ذاتی اور پروفیشنل زندگی کے بارے میں بات کرتے ہوئے کہا کہ تیمور ابھی بہت چھوٹا ہے لہٰذا اس کے ساتھ گھریلو اور پروفیشنل زندگی کو برقرار رکھنا تھوڑا مشکل ہے لیکن وہ کوشش کرتی ہیں کہ کام کے ساتھ اپنے گھر اور تیمور کو بھی بھرپوروقت دیں  اور یہ صرف سیف علی خان کی وجہ سے ممکن ہوا ہے۔

اس خبرکوبھی پڑھیں: تیمورپٹودی ہے یاکپور؟ کرینہ پریشانی کا شکار

اداکارہ نے کہا کہ انہیں سیف اورگھر والوں کی مکمل حمایت حاصل ہے اوراسی لیے وہ ایک کامیاب خاتون ہیں، انہیں فخرہے کہ وہ ایک شادی شدہ اور خود مختار خاتون ہیں یہ بتاتے ہوئے بہت خوشی محسوس ہوتی ہے کہ وہ ایک ساتھ بہت سارے محاذ پرکام کرنے کا حوصلہ رکھتی ہیں۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔