- ویمن ون ڈے سیریز؛ پاک ویسٹ انڈیز ٹیموں کا کراچی میں ٹریننگ سیشن
- محکمہ صحت پختونخوا نے بشریٰ بی بی کے طبی معائنے کی اجازت مانگ لی
- پختونخوا؛ طوفانی بارشوں میں 2 بچوں سمیت مزید 3 افراد جاں بحق، تعداد 46 ہوگئی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
- ضمنی انتخابات میں عوام کی سہولت کیلیے مانیٹرنگ اینڈ کنٹرول سینٹر قائم
- وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
پیروں کی بدبو دور کرنے کے آسان گھریلو ٹوٹکے
کراچی: بدبودار پیروں کے مرض کو طبی زبان میں بروموڈوسِس کہا جاتا ہے۔ یہ کیفیت خود اپنے لیے شرمندگی اور دوسروں کے لیے تکلیف کی وجہ بن سکتی ہے۔
مردہ خلیات، پسینہ اور دیگر محرکات پیروں میں بدبو پیدا کرتے ہیں لیکن اچھی خبر یہ ہے کہ چند آسان باتوں پر عمل کرکے پیروں کی بو سے نجات حاصل کی جا سکتی ہے۔ اس کے لیے پہلے آسان اور گھریلو نسخے بیان کیے جا رہے ہیں۔
1: پیروں سے مردہ خلیات کی صفائی
بازار میں آتش فشانی پتھر یا جھاواں عام ملتا ہے۔ ایسے دانے دار پتھروں کو انگریزی میں پومائس کہا جاتا ہے۔ پاؤں کے تلووں اور ایڑیوں کو اس پتھر سے رگڑ کر صاف کیجئے تاکہ بدبو کی وجہ بننے والے مردہ خلیات سے چھٹکارا حاصل ہوسکے۔ خیال ہے کہ مردہ خلیات ہی پیروں میں بدبو کی بڑی وجہ ہوتے ہیں۔
2: اپسم نمک کا استعمال
پیروں کو نمک بھرے پانی میں ڈبونے سے بھی ان کی بو دور کی جا سکتی ہے۔ اس کے لیے ایک خاص اپسم Epsome نمک استعمال کیا جاتا ہے۔ اسے بازار سے خرید کر ایک بڑے برتن میں نیم گرم پانی ڈالیے اور نصف کپ اپسم نمک ڈال کر اچھی طرح گھول لیجئے۔ اب 10 سے 20 منٹ تک پانی میں پاؤں ڈبوکر رکھئے اور بعد میں پیروں کو اچھی طرح صاف اور خشک کر لیجئے۔ اس سے افاقہ ہوگا۔
3: سرکہ ملا پانی
نیم گرم پانی میں چند چمچہ سرکہ ڈال کر پیروں کو 15 سے 20 منٹ اس میں بھگوئیں۔ تاہم پیر میں کوئی زخم، کٹ یا چھالے کی صورت میں سرکے کا استعمال ہرگز نہ کیا جائے ورنہ جلن اور تکلیف ہو سکتی ہے۔ سرکے کے استعمال سے بھی پیروں کی بدبو دور ہوسکتی ہے۔
4: پیروں کی بودور کرنے والے اسپرے
پیروں کی بدبو دور کرنے والے ایسے اسپرے بھی موجود ہیں جن کو پاؤں پر استعمال کر کے آپ ان کی بو دور کی جا سکتی ہے۔ لیکن بہتر ہو گا کہ اسپرے کا انتخاب ڈاکٹر کے مشورے سے ہی کیا جائے۔
5 : اینٹی بیکٹیریا صابن
کسی اچھے اینٹی بیکٹیریا صابن سے پیروں کو روزانہ رات کو دھونے سے بھی بہت افاقہ ہوتا ہے۔ اگر آپ انگوٹھوں اور انگلیوں کے درمیان صابن اچھی طرح رگڑتے ہیں تو اس سے بیکٹیریا ختم ہو سکتے ہیں۔
6: جوتوں اور موزوں کا خیال رکھیں
آپ ایسے موزے بھی خرید سکتے ہیں جو پسینہ جذب کرکے پیروں کی بو کم کرتے ہیں۔ لیکن بہتر یہ ہے کہ جلد ہی موزے تبدیل کرتے رہیں تاکہ بو پیدا کرنے والے جراثیم مزید پھلنے پھولنے نہ پائیں۔ جوتوں کو اندر سے صاف اور خشک رکھیں کیونکہ نمی والے جوتوں میں بدبو جمع ہوتی رہتی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔