کراچی میں نادرن بائی پاس سے 3 لاشیں برآمد

 کراچی: سپر ہائی وے سے متصل نادرن بائی پاس سے گولیاں مار کر قتل کیے گئے 3 افراد کی لاشیں برآمد ہوئی ہیں۔

ایکسپریس نیوز کے مطابق  کراچی کے علاقے سپر ہائی وے کے قریب نادرن بائی پاس سے 3 افراد کی لاشیں برآمد ہوئی ہیں جنہیں گولیاں مار کر قتل کیا گیا ہے۔

ایس ایس پی ملیر راؤ انوار کا کہنا ہے کہ سپر ہائی وے کے قریب سے ملنے والی لاشوں کے قریب سے کالعدم تنظیم کا خط بھی ملا ہے جس کے مطابق قتل کیے گئے افراد کالعدم تنظیم کے کارندے تھے اور تینوں افراد کو گروپ بندی کے تنازعے پر قتل کیا گیا۔