کراچی سے پیپلز پارٹی کے صوبائی وزیر مرتضیٰ بلوچ کا بیٹا اغوا

 کراچی: ملیر سے نامعلوم ملزمان پیپلز پارٹی کے رکن صوبائی اسمبلی اور وزیر کچی آبادی مرتضیٰ بلوچ کے بیٹے حیات بلوچ کو اغوا کر کے ساتھ لے گئے۔

ایس ایس پی ملیر راؤ انوار نے حیات بلوچ کے اغوا کی تصدیق کرتے ہوئے بتایا کہ نامعلوم ملزمان ایم پی اے کے بیٹے کو گاڑی سے اتار کے اپنے ہمراہ لے گئے اور اغوا کا واقعہ گڈاپ سٹی کے علاقے ملیر میں پیش آیا۔ دوسری جانب ایس ایچ او خان نواز نے بتایا کہ انہیں اہلخانہ نے اطلاع دی ہے کہ حیات بلوچ کو اغوا کر لیا گیا ہے۔

راؤ انوار کا کہنا ہے کہ واقعے کی ایف آئی آر درج کر کے حیات بلوچ کی بازیابی کے لئے کارروائی شروع کر دی گئی ہے۔