- اگلے ماہ مہنگائی کی شرح کم ہو کر 21 سے 22 فیصد کے درمیان رہنے کا امکان
- اقتصادی بحالی اور معاشی نمو کے لیے مشاورتی تھنک ٹینک کا قیام
- اے ڈی ایچ ڈی کی دوا قلبی صحت کے لیے نقصان دہ قرار
- آصفہ بھٹو زرداری بلامقابلہ رکن قومی اسمبلی منتخب
- پشاور: 32 سال قبل جرگے میں فائرنگ سے نو افراد کا قتل؛ مجرم کو 9 بار عمر قید کا حکم
- امیرِ طالبان کا خواتین کو سرعام سنگسار اور کوڑے مارنے کا اعلان
- ماحول میں تحلیل ہوکر ختم ہوجانے والی پلاسٹک کی نئی قسم
- کم وقت میں ایک لیٹر لیمو کا رس پی کر انوکھے ریکارڈ کی کوشش
- شام؛ ایئرپورٹ کے نزدیک اسرائیل کے فضائی حملوں میں 42 افراد جاں بحق
- انٹربینک اور اوپن مارکیٹ میں ڈالر کے مقابلے میں روپیہ مزید مضبوط
- پی ٹی آئی قانونی ٹیم کا چیف جسٹس اور جسٹس عامر فاروق سے استعفی کا مطالبہ
- اہم چیلنجز کا سامنا کرنے کیلیے امریکا پاکستان کے ساتھ کھڑا رہے گا، جوبائیڈن کا وزیراعظم کو خط
- عالمی اور مقامی مارکیٹوں میں سونے کی قیمت میں بڑا اضافہ ہوگیا
- اسٹاک مارکیٹ میں اتار چڑھاؤ کے بعد مندی، سرمایہ کاروں کے 17ارب ڈوب گئے
- پشاور بی آر ٹی؛ ٹھیکیداروں کے اکاؤنٹس منجمد، پلاٹس سیل کرنے کے احکامات جاری
- انصاف کے شعبے سے منسلک خواتین کے اعداد و شمار جاری
- 2 سر اور ایک دھڑ والی بہنوں کی امریکی فوجی سے شادی
- وزیراعظم نے سرکاری تقریبات میں پروٹوکول کیلیے سرخ قالین پر پابندی لگادی
- معیشت کی بہتری کیلیے سیاسی و انتظامی دباؤبرداشت نہیں کریں گے، وزیراعظم
- تربت حملے پر بھارت کا بے بنیاد پروپیگنڈا بے نقاب
کانفرنس کابائیکاٹ کرنے والوں نےبانی متحدہ کی تقریر کی توثیق کی، فاروق ستار
کراچی: ایم کیو ایم پاکستان کے سربراہ فاروق ستار کا کہنا ہے کہ کانفرنس کا بائیکاٹ کرنے والی جماعتوں نے ہمارے پچھلے سال کہ اقدام کو نہیں سراہا بلکہ بانی متحدہ کی پاکستان مخالف تقریر کی توثیق کی ہے۔
کراچی میں ایم کیو ایم پاکستان کے زیر اہتمام کثیر الجماعتی کانفرنس کو موخر کرنے کا اعلان کرتے ہوئے فاروق ستار کا کہنا تھا کہ کانفرنس کا انعقاد ایک بڑے مقصد کے لیے کیا تھا اور تمام سیاسی جماعتوں سے شرکت کے لیے رابطہ بھی کیا، ہم نے اس کانفرنس کے لیے بہت محنت کی لیکن آج اس کانفرنس کو پریس کانفرنس میں تبدیل کرنا پڑا۔ تمام سیاسی جماعتوں نے کل رات تک کانفرنس میں شرکت کی یقین دہانی کرائی تاہم آج صبح بڑی سیاسی جماعتوں نےاچانک بائیکاٹ کا اعلان کیا، ان جماعتوں کے بائیکاٹ کا ہمیں علم نہیں تھا، ہمیں میڈیا کے ذریعے کانفرنس میں شرکت نہ کرنے کاعلم ہوا، ہمیں سیاسی جماعتوں کی جانب سے شرکت نہ کرنے کے فیصلے پر افسوس ہوا۔
اس خبر کو بھی پڑھیں : ایم کیوایم پاکستان نے آل پارٹیز کانفرنس ملتوی کردی
فاروق ستار کا کہنا تھا کہ سیاسی جماعتوں کا بائیکاٹ ان اہم ایشو کا بائیکاٹ ہے جو کانفرنس میں رکھے گئے، ہمارا سفر 2016 سے 2017 تک ہے اور جو جدوجہد ہم نے کی ہے سب کے سامنے ہیں جب کہ گزشتہ سال ملکی سلامتی کے لیے اہم فیصلہ کیا تھا۔ ان کا کہنا تھا کہ کل ہم نے یہ مثال قائم کی اور دشمنی کے تاثر کو ختم کیا، ہمارا وفد پاک سر زمین کے دفتر گیا، یہ تاثرظاہر کرنا تھا کہ ہم پاکستان کے آئین کے ساتھ کھڑے ہیں، اپنے تمام تر نظریاتی اختلافات کے باوجود ہمارا وفد 25 سالوں کے بعد مہاجر قومی موومنٹ کے دفترگیا۔
فاروق ستار نے کہا کہ ہم یہ سمجھتے ہیں کہ پیپلز پارٹی سمیت بائیکاٹ کرنے والی دیگر جماعتوں نے ہمارے پچھلے سال کے اقدام کو نہیں سراہا، ہم نے لندن کے نعروں کو مسترد کیا لیکن بائیکاٹ کرنے والی جماعتوں نے بانی متحدہ کی پاکستان مخالف تقریر کی توثیق کی ہے۔ انہوں نے کہا کہ قتل و غارت گری کا سلسلہ جاری ہے، پی ایس پی اور ایم کیو ایم کے لوگوں کو قتل کیا گیا جب کہ قاتل پکڑے گئے ہیں تو جلد انصاف ہونا چاہے، ہم کو کسی سے پاکستانی ہونے کا سرٹیفیکیٹ نہیں چاہیے، ملک کے خلاف ہونے والی سازش کو بے نقاب کرنے کے لیے آج کی کانفرنس کی تھی۔
فاروق ستار نے کہا کہ جو وزرا اربوں روپے کی کرپشن میں رہے ہیں، ہم نے ان کی سیاسی کرپشن کے خلاف آج کانفرنس رکھی تھی۔ آج جنہوں نے ہماری کانفرنس کا بائیکاٹ کیا اب عوام ان کا بائیکاٹ کریں گے اور اب تم ہمارا بائیکاٹ دیکھنا۔ ان کا کہنا تھا کہ مہاجر اتنے کمزور نہیں ہے کہ مودی سے مدد مانگیں، مہاجر اپنے جائز حقوق لینے کی طاقت رکھتے ہیں جب کہ آج فیصلہ ہوگیا کہ پاکستان کے استحکام کے لیے کون جدوجہد کررہا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔