اداکارہ میرا کو ہالی ووڈ سے بڑی پیشکش

کراچی: نامور پاکستانی اداکارہ میرا نے حال ہی میں ٹوئٹر پر اعلان کیا ہے کہ وہ بہت جلد ہالی ووڈ میں قدم رکھنے جارہی ہیں۔

پاکستانی اسکینڈل کوئین اور معروف اداکارہ میرا کو خبروں میں رہنے کا ہنر آتا ہے ، فلمیں اور جاندار کردار نہ ہونے کے باوجود میرا کا شمار ان اداکاراؤں میں ہوتا ہے جنہیں میڈیا کی بھرپور کوریج ملتی ہے اور وہ خبروں میں رہنے کا کوئی نہ کوئی بہانہ ڈھونڈھ لیتی ہیں۔

اس خبرکوبھی پڑھیں: اداکارہ میرا نے پریانکا چوپڑا کو بھی نہ بخشا

حال ہی میں میرانے اپنے ٹوئٹر اکاؤنٹ پر معروف ہالی ووڈ اداکارہ و ماڈل مارلن منرو کے مجسمے کے ساتھ اپنی ایک تصویر شیئر کرتے ہوئے لکھا ہے کہ ان کی ہالی ووڈ پروجیکٹ سائن کرنے کے سلسلے میں بات چیت چل رہی ہے۔

Posing with the one & only pic.twitter.com/iqgiLHotKK

— Meera Irtaza (@TheMeeraJee) August 18, 2017

In talks of signing a #Hollywood project #woohoo

— Meera Irtaza (@TheMeeraJee) August 18, 2017

اگر یہ بات پاکستانی اداکارہ ماہرہ خان یا صبا قمر نے کی ہوتی تو لوگوں کو اتنی حیرانی نہ ہوتی لیکن یہ اعلان میرا کی جانب سے سامنے آیا ہے اسلئے لوگوں کویقین نہیں آرہا کہ اداکارہ میرا سچ میں ہالی ووڈ پروجیکٹ کرنے جارہی ہیں۔

بعض ٹوئٹر صارفین نے اداکارہ کو تنقید کا نشانہ بنایا جب کہ کچھ لوگوں نے میرا کیلئے نیک خواہشات کا اظہار کرتے ہوئے انہیں کامیابی کی دعا دی۔

ایک صارف نے لکھا کہ کیا یہ واقعی ہالی ووڈ پروجیکٹ ہے یا پھر کوئی مختصر دورانیے کی فلم جس میں عجیب مسکراہٹ والا گنجا شخص ہوگا۔

https://twitter.com/NoMatch3/status/899170255330828288

ایک صارف نے میرا کی اس پوسٹ کو مذاق کا نشانہ بناتے ہوئے کہا کہ میری دعائیں فلم،ہدایت کار اور اس فلم پر پیسہ لگانے والے سرمایہ دار کے ساتھ ہیں۔

https://twitter.com/LIBRA_7720/status/898799128754311168

ایک اور صارف نے مذاقاً لکھا کہ یہ فلم یقیناً ایکشن اور تھرلر سے بھرپور لیکن گونگی فلم ہوگی۔

It must be an action pack thriller with mute voice

— toseef ahmad (@toseefahmad4) August 19, 2017

ایک اور صارف نے لکھا میرا جی نے شاید غلطی سے ہالی ووڈ لکھ دیا ہے دراصل وہ لالی ووڈ لکھنا چاہتی تھیں۔

https://twitter.com/SyedWahidShah6/status/898743029389045760

جب کہ ایک اور صارف نے لکھا کہ میرا سے انگلش کی ایک لائن ٹھیک سے نہیں بولی جاتی تووہ کس طرح پورا اسکرپٹ پڑھیں گی؟

In urdu? English ki aik line nai boli jaati how will you manage whole script? Besides, what grade movie?

— Fahd Alizai (@fahdalizai) August 18, 2017

ایک اور صارف نے صرف اتنا لکھا ’’اللہ رحم‘‘

ALLAH REHAM

— Ahmed Abbasi (@ahmed_abbasi) August 19, 2017

کچھ صارفین نے میرا کے حق میں ٹوئٹس کرتے ہوئے انہیں کیرئیر میں آگے بڑھنے کی دعائیں دیتے ہوئے لکھا کہ میرا جی آپ کو ضرور یہ پروجیکٹ کرنا چاہئے۔

https://twitter.com/MohsinSherazi14/status/898911703127265284