بیک وقت تین طلاقوں کے معاملے پر بالی ووڈ ستارے بھی کود پڑے

ممبئی: بھارتی سپریم کورٹ نے گزشتہ روز بیک وقت تین طلاق دینے کے عمل کوغیر قانونی قرار دیا ہے جس پر ہر جانب سے تبصرے اور تجزیے کئے جارہے ہیں ایسے میں بالی ووڈ کے وہ لوگ بھی اظہار خیال کررہے ہیں جن کا براہ راست اس معاملے سے کوئی تعلق ہی نہیں ۔

بھارتی اسٹار رشی کپور ہر معاملے میں اپنی رائے دینا ضروری سمجھتے ہیں لہٰذا وہ اس معاملے پر رائے نہ دیں ایسا کیسے ہوسکتا ہے، رشی کپور نے اپنے ٹوئٹر اکاؤنٹ پر ردعمل کا اظہار کرتے ہوئے کہا ہے کہ میں حکومت کے اس اقدام پر بےحد خوش ہوں، اب وقت آگیا ہے کہ ہم منفی چیزوں کے بجائے مثبت چیزوں پر بات کریں، انہوں نےخواتین کو مبارکباد دیتے ہوئے کہا کہ حکومت نے طلاق کے پرانے نظام کا خاتمہ کردیا۔

Film Prem Rog commented on the widow remarriage,the Government nullifies a decadent old system of triple Talaq! Congrats Woman emancipation

— Rishi Kapoor (@chintskap) August 22, 2017

بھارتی اداکارہ دیا مرزا نے اسے جمہوریت کی جیت قراردیتے ہوئے کہا یہ خواتین کے حقوق اور ہمارے ملک کیلئے ایک تاریخی دن ہے۔

A win for democracy! Historic day for women's rights in our country. #Equality #TripleTalaq #HumanRights #SupremeCourt https://t.co/fdgy0lyJfb

— Dia Mirza (@deespeak) August 22, 2017

اداکارانوپم کھیر بھی خاموش نہ رہ سکے انہوں نے اس فیصلے کو سپریم کورٹ کا تاریخی فیصلہ قرار دیا۔

https://twitter.com/AnupamPkher/status/899883065425760256

اداکارہ شبانہ اعظمی نے تین طلاقوں کے معاملے پر سپریم کورٹ کے فیصلے کا خیر مقدم کرتے ہوئے کہا کہ یہ ان بہادر مسلم خواتین کی جیت ہے جو کافی برسوں سے اپنے حقوق کی جنگ لڑ رہی تھیں۔

I welcome the Supreme Court judgement on instant Triple Talaq. Its a victory 4 brave Muslim women who hve waged battle against it for years

— Azmi Shabana (@AzmiShabana) August 22, 2017

بھارتی ہدایت کار مدھر بھنڈارکر نے کہا کہ سپریم کورٹ کا یہ فیصلہ مسلم خواتین کی طاقت کی ایک نئی شروعات ہے۔

https://twitter.com/imbhandarkar/status/899916067547381760

اس کے علاوہ پاریش راول نے بھی سپریم کورٹ کے اس فیصلے پر اپنا ردعمل دیتے ہوئے کہا ہے کہ مسلم خواتین اور ہمارے ملک کیلئے حکومت اور سپریم کورٹ کی جانب سے اٹھایا گیا یہ قدم بہت اچھا ہے۔ وہ تمام لوگ جواپنےعمل کیلئے مذہب کا سہارا لیتے ہیں انہیں پتہ ہونا چاہئے کہ یہ سب قرآن میں نہیں، بہر حال جو کچھ سپریم کورٹ نے کیا وہ قابل تعریف ہے کیونکہ کچھ نہ ہونے سے کچھ ہونا بہتر ہے۔