منتخب وزیراعظم کو سزامل سکتی ہے تو آئین توڑنے والے کو کیوں نہیں، احسن اقبال

 اسلام آباد: وفاقی وزیر داخلہ احسن اقبال کا کہنا ہے کہ ملک میں قانون کی حکمرانی سب کے لیے برابر ہے جب منتخب وزیراعظم کو سزامل سکتی ہے تو آئین توڑنے والے کو کیوں نہیں ۔

اسلام آباد میں میڈیا سے گفتگو کرتے ہوئے وزیر داخلہ احسن اقبال کا کہنا تھا کہ دہشت گردی کے خلاف پاکستان نے کسی بھی ملک سے سب سے زیادہ قربانیاں دیں، پاکستان پر امن ملک ہے اور دنیا میں بھی امن دیکھنا چاہتا ہے، ہم قائد اعظم کے پاکستان کو بنانے کی لیے کردار ادا کر رہے ہیں جب کہ ہمیں صرف سرحدوں پر نہیں بلکہ خطے میں بھی امن چاہیے۔

وزیر داخلہ نے کہا کہ منتخب وزیراعظم کو سزامل سکتی ہے تو آئین توڑنے والے کو کیوں نہیں ملک میں قانون کی حکمرانی سب کے لیے برابر ہے لہذا جن پر مقدمات ہیں ان کو سامنا کرناہوگا۔