بارسلونا حملہ متاثرین سے یکجہتی؛ ہسپانوی سوئمر نے فائنل راؤنڈ قربان کر دیا

بڈاپسٹ: ماسٹرز ورلڈ سوئمنگ چیمپئن شپ میں ہسپانوی سوئمر نے بارسلونا میں دہشتگر حملے کے متاثرین سے اظہار ہمدری کیلیے فائنل راﺅنڈ قربان کر دیا۔

پروسوئمنگ مقابلوں میں شریک 71 سالہ فرنانڈو الواریز نے آرگنائزرز سے بارسلونا حملوں کے متاثرین کی یاد میں ایک منٹ کی خاموشی اختیار کرنے کی اپیل کی جسے مسترد کر دیا گیا تھا جس کے بعد الواریز 200 میٹر بریسٹ اسٹروک فائنل کیلیے اسٹارٹنگ پوائنٹ پر آئے اور ریس شروع ہونے کے بعد ایک منٹ وہیں خاموش کھڑے رہے اور اس کے بعد ریس اسٹارٹ کی۔

اس خبر کو بھی پڑھیں :بارسلونا میں ڈرائیور نے گاڑی راہگیروں پر چڑھا دی

Spanish swimmer Fernando Álvarez sacrifices his race to pay tribute to those affected by the recent terror attacks in Spain pic.twitter.com/Cu4bf6QdPG

— Guardian sport (@guardian_sport) August 22, 2017

بعد ازاں میڈیا سے گفتگو کرتے ہوئے الواریز نے کہا کہ اپنے اقدام پر ایسا لگ رہا ہے جیسے میں نے تمام گولڈ میڈل جیت لئے ہوں۔ ہسپانوی سوئمر کے دیگر ساتھیوں نے اس اقدام کو قابل فخر قرار دیا ہے، سوشل میڈیا پر بھی اسے سراہا جا رہا ہے اور گولڈ میڈل دینے کا مطالبہ بھی کیا جا رہا ہے۔

واضح رہے کہ جمعرات کو بارسلونا میں ایک دہشتگرد نے گاڑی دانستہ طور پر لوگوں کے ہجوم پر چڑھا دی تھی جس کے نتیجہ میں 14 افراد جاں سے گئے تھے جب کہ 130 زخمی ہوئے تھے۔