پاک فوج کی جانب سے ورلڈ الیون کے دورہ پاکستان کا خیرمقدم

اسپورٹس ڈیسک  جمعرات 24 اگست 2017
ورلڈ الیون کرکٹ ٹیم کو پاکستان آمد پر خوش آمدید، ڈی جی آئی ایس پی آر کا ٹوئٹ - فوٹو: فائل

ورلڈ الیون کرکٹ ٹیم کو پاکستان آمد پر خوش آمدید، ڈی جی آئی ایس پی آر کا ٹوئٹ - فوٹو: فائل

لاہور: ڈی جی آئی ایس پی آر میجر جنرل آصف غفور نے ورلڈ الیون میں شامل کرکٹرز کی پاکستان آمد کو خوش آئند قرار دیا ہے۔

سماجی رابطے کی ویب سائٹ ٹوئٹر پر اپنے آفیشل اکاﺅنٹ پر ڈی جی آئی ایس پی آر میجر جنرل آصف غفور کا کہنا تھا کہ ورلڈ الیون کرکٹ ٹیم کو پاکستان آمد پر خوش آمدید کہتے ہیں جب کہ پاکستانی امن پسند اور کھیلوں سے محبت کرنے والی قوم ہیں اور ورلڈ الیون کی میزبانی کیلیے بے تاب ہیں۔

https://twitter.com/OfficialDGISPR/status/900686998419197952

واضح رہے کہ 2009 میں سری لنکن ٹیم پر حملے کے بعد پاکستان پر انٹرنیشنل کرکٹ کے دروازے بند ہو گئے تھے، پاک فوج اور حکومتی تعاون کی بدولت زمبابوے اور بعد ازاں پی ایس ایل کے دوسرے ایڈیشن کے فائنل کا کامیابی سے لاہور میں انعقاد ممکن ہو سکا تھا جب کہ رلڈ الیون کے دورہ کے موقع پر بھی پاک فوج کی جانب سے خصوصی سکیورٹی فراہم کرنے کی یقین دہانی کروائی گئی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔