فلم’’کبھی خوشی کبھی غم‘‘ کی ننھی کرینہ عمران ہاشمی کیساتھ ڈیبیوکریں گی

ممبئی: بالی ووڈ کی بلاک بسٹر فلم ’کبھی خوشی کبھی غم‘ میں کرینہ کپور کے بچپن کا کردار ادا کرنے والی مالویکا راج عمران ہاشمی کے ساتھ کریئر کا آغاز کریں گی۔

شاہ رخ خان کی کامیاب ترین فلم’’کبھی خوشی کبھی غم‘‘ میں کرینہ کپورکے بچپن کا کردار ادا کرنے والی مالوویکا راج فلم’’کیپٹن نواب‘‘ میں  بالی ووڈ میں بے باک مناظر کی عکس بندی کے حوالے سے مشہور اداکارعمران ہاشمی کے ساتھ بطور ہیروئن  ڈیبیو کرنے جارہی ہیں جب کہ عمران ہاشمی فلم میں آرمی کے جوان کا کردار ادا کرتے نظرآئیں گے۔

اس خبر کو بھی پڑھٰیں؛ عمران ہاشمی ’’پلاسٹک‘‘ کہنے پر ایشوریا سے معافی کے خواہشمند

ہدایت کار ٹونی ڈی سوزا کا کہناتھا کہ ہم اس فلم میں کچھ نیا کرنے جارہے ہیں جب کہ ہمیں نئے اداکار کی ضرورت تھی جس کے لیے کئی نوجوان اداکاروں کے آڈیشن لیے اور مالوویکا سب سے بہترین آپشن  دکھائی دیا۔

فلم میں عمران ہاشمی نے  اردو اورپنجابی زبان مہارت سے بولنی ہے جس کے لیے انہوں نے استاد رکھ لیا ہے۔

اس خبر کو بھی پڑھیں؛ عمران ہاشمی کے ہم شکل پاکستانی نوجوان کی سوشل میڈیا پر دھوم

واضح رہے عمران ہاشمی آج کل اپنی نئی فلم ’’بادشاہو‘‘ کی پروموشن میں مصروف ہیں جس میں ان کے ساتھ اجے دیوگن نے بھی اداکاری کے جوہردکھائے ہیں جب کہ فلم یکم ستمبر کو سینما گھروں کی زینت بنے گی۔