مارٹن گپٹل سی پی ایل چھوڑ کر چلے گئے

گپٹل کی اہلیہ لیورا امید سے ہیں اور ان کے گھر آئندہ ماہ نئے مہمان کی آمد متوقع ہے

اسپورٹس ڈیسک ہفتہ 26 اگست 2017

گپٹل کی اہلیہ لیورا امید سے ہیں اور ان کے گھر آئندہ ماہ نئے مہمان کی آمد متوقع ہے۔ فوٹو : فائل

گیانا: کیوی بیٹسمین مارٹن گپٹل کیریبیئن پریمیئر لیگ ادھوری چھوڑ کر وطن واپس لوٹ گئے۔

مارٹن گپٹل فیملی میں صحت مسائل کے سبب کیریبیئن پریمیئر لیگ ادھوری چھوڑ کر وطن واپس لوٹ گئے تاہم اب ان کی جگہ ہموطن لیوک رونکی گیانا ایمیزون واریئرز کا حصہ بن جائیں گے، سردست چوتھی پوزیشن پر موجود ٹیم کو راؤنڈ روبن لیگ میں ابھی مزید 2 میچزکھیلنا ہیں۔

واضح رہے کہ گپٹل کی اہلیہ لیورا امید سے ہیں اور ان کے گھر آئندہ ماہ نئے مہمان کی آمد متوقع ہے، وہ اب ایونٹ کیلیے دوبارہ ویسٹ انڈیز نہیں لوٹ پائیں گے۔