- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
- کراچی میں سیشن جج کے بیٹے قتل کی تحقیقات مکمل،متقول کا دوست قصوروار قرار
- غزہ کے اسپتالوں میں اجتماعی قبروں نے اقوام متحدہ کو بھی خوفزدہ کردیا
- ایکس کی اسمارٹ ٹی وی ایپ متعارف کرانے کی تیاری
- جوائن کرنے کے چند ماہ بعد ہی اکثر لوگ ملازمت کیوں چھوڑ دیتے ہیں؟
- لڑکی کا پیار جنون میں تبدیل، بوائے فرینڈ نے خوف کے مارے پولیس کو مطلع کردیا
- تاجروں کی وزیراعظم کو عمران خان سے بات چیت کرنے کی تجویز
کس قانون کے تحت سانحہ ماڈل ٹاؤن کی رپورٹ عام نہیں کی جا رہی؟ لاہور ہائیکورٹ
لاہور: لاہور ہائیکورٹ نے سانحہ ماڈل ٹاؤن کی انکوائری ٹربیونل رپورٹ کی معلومات کیلیے دائر درخواست پر پنجاب حکومت سے 12ستمبر کو جواب طلب کر لیا، عدالت نے ریمارکس دیے ہیں کہ عوامی دستاویزات کی معلومات شہریوں کا حق ہے، کس قانون کے تحت سانحہ ماڈل ٹائون کی انکوائری رپورٹ کی معلومات فراہم نہیں کی جا رہیں؟
جسٹس سید مظاہر علی اکبر نقوی نے متاثرین سانحہ ماڈل ٹاؤن قیصر اقبال، امجد اقبال اور محمد ادریس سمیت 11 افراد کی جانب سے دائر درخواست پر سماعت کی، درخواست گزاروں کی جانب سے اظہر صدیق ایڈووکیٹ نے ہوم سیکریٹری اور چیف کمشنر انفارمیشن سمیت دیگر کو فریق بناتے ہوئے موقف اختیار کیا کہ ماڈل ٹائون انکوائری رپورٹ منظر عام پر آنے سے ذمے داروں کا تعین ہو گا۔
انکوائری رپورٹ منظرعام پر لاکر مقتولین کے ورثا کو جلد انصاف کی فراہمی کا عمل ممکن بنایا جا سکتا ہے، معلومات تک رسائی کے قانون کے تحت کسی شہری کو بھی معلومات کی فراہمی سے نہیں روکا جا سکتا، انفارمیشن کمشنر کی عدم تعیناتی کی بنا پرسانحہ ماڈل ٹائون کی رپورٹ فراہم نہیں کی جا رہی، انصاف کی فراہمی میں تاخیر آئین کے خلاف ہے، سانحہ ماڈل ٹاؤن عدالتی انکوائری رپورٹ منظر عام پر لانے کی متعدد درخواستیں ہائیکورٹ میں پہلے سے ہی زیر سماعت ہیں، فل بینچ نے کئی ماہ سے ان درخواستوں پر سماعت نہیں کی۔
اظہر صدیق ایڈووکیٹ کا کہنا تھا کہ یہ درخواست ورثا کی طرف سے دائر کی گئی ہے اوراس کا پہلی درخواستوں سے کوئی تعلق نہیں، درخواست گزاروں کے وکیل نے استدعا کی کہ عدالت سانحہ ماڈل ٹاؤن کے عدالتی ٹربیونل کی رپورٹ درخواست گزاروں کو فراہم کرنے کا حکم دے، سانحہ ماڈل ٹاؤن کی انکوائری کو منظر عام پر لانے کے حوالے سے ہائیکورٹ میں زیر سماعت درخواستوں کی تعداد 9 ہو چکی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔