حکومت نے عوام کی خدمت کے ریکارڈ قائم کیے ہیں، شہبازشریف

 لاہور: وزیراعلیٰ پنجاب شہباز شریف کا کہنا ہے کہ سوا چار سال میں عوام کی خدمت کے ریکارڈ قائم کیے ہیں۔

ایکسپریس نیوزکے مطابق وزیراعلیٰ پنجاب شہبازشریف سے مختلف اضلاع سےتعلق رکھنے والےاراکین اسمبلی کی ملاقات ہوئی، جن میں چودھری ارشد جٹ،احمد خان بلوچ اورطارق محمود باجوہ شامل تھے۔

ملاقات کے دوران وزیراعلی پنجاب شہباز شریف نے کہا کہ ہماری حکومت مقررہ اہداف کے حصول میں بڑی حد تک کامیاب رہی ہے، ملکی وسائل امانت سمجھ کرسماجی شعبوں کی ترقی پرخرچ کیے گئے، کم وسیلہ خاندانوں کے بچوں کیلیے بھی معیاری تعلیم کےمواقع پیدا کیے گئے جب کہ سوا چارسال۔ میں عوام کی خدمت کے رکارڈ قائم کیے ہیں۔