لاہورميں پوليس مقابلے کے دوران 4 ڈاکوہلاک

 لاہور: سلامت پورہ قبرستان کےقريب پوليس مقابلے کے دوران ناکہ لگا کرشہریوں کولوٹنے والے چارڈاکومارے گئے۔

ایکسپریس نیوزکے مطابق لاہورميں تھانہ ہربنس پورہ کورات گئےاطلاع ملی کہ سلامت پورہ قبرستان کےقريب 6 ڈاکو راہگيروں سے لوٹ مار کررہے ہيں جس پرپولیس فوری طورپرجائے وقوعہ پہنچی۔ پولیس کو دیکھتے ہی ڈاکوؤں نے فائرنگ شروع کردی، پولیس کی جوابی فائرنگ میں 4 ڈاکوموقع پرہی ہلاک جبکہ 2 فرار ہونے میں کامیاب ہوگئے۔

پولیس کے مطابق ڈاکوؤں سے 4 پستولیں بر آمد ہوئیں تاہم ہلاک ڈاکووں کی شناخت تاحال نہيں ہو سکی اور فرار ہونے والے ڈاکؤوں کی تلاش جاری ہے۔