کراچی میں تالا توڑ گروپ نے ایک اور مارکیٹ کا صفایا کردیا

ویب ڈیسک  ہفتہ 26 اگست 2017
دکانوں میں کپڑے، جوتے، کاسمیٹک، جیولری کی دکانیں شامل ہیں، دکان مالکان؛فوٹوفائل

دکانوں میں کپڑے، جوتے، کاسمیٹک، جیولری کی دکانیں شامل ہیں، دکان مالکان؛فوٹوفائل

کراچی: قیوم آباد بی ایریا میں ڈاکو 10 سے زائد دکانوں کے تالے توڑ کر لاکھوں روپے کا سامان لوٹ کر فرار ہوگئے۔

ایکسپریس نیوز کے مطابق کراچی کے علاقے قیوم آباد بی ایریا میں گزشتہ رات چوری کا خوفناک واقعہ پیش آیا، چند نامعلوم افراد گزشتہ رات 10 سے زائد دوکانوں کے تالے توڑ کر اور لاکھوں روپے کا سامان لوٹ کر فرار ہوگئے، جن دکانوں کے تالے توڑے گئے ان میں کپڑے ،کاسمٹیکس، جیولری، اور دیگر اشیاء کی دکانیں شامل ہیں، واقعے کی اطلاع ملتے ہی  پولیس اور رینجرز جائے وقوع پر پہنچ گئی، پولیس نے جائے وقوع سے شواہد اکٹے کرکے تفتیش کا آغازکردیا ہے۔

دوسری جانب دکانداروں نے جلد سے جلد ڈاکوؤں کی گرفتاری کا مطالبہ کرتے ہوئے کہا ہے دکانوں میں لاکھوں روپے کا سامان موجود تھا جو چوری ہوگیا ہے، تاہم ابھی تک نقصان کا تخمینہ نہیں لگایا جاسکا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔