نوازاور شہبازشریف کے بچے اچانک لندن روانہ

لندن جانے والوں میں نواز شریف کی بیٹی اسماءعلی، شہباز شریف کی بیٹی ، بیٹا، بہو اور پوتے شامل ہیں

ویب ڈیسک ہفتہ 26 اگست 2017

لندن جانےوالوں میں اسحاق ڈار کی بہو اسماء علی بھی شامل ہیں؛فوٹوفائل

لاہور: نواز اور شہباز شریف کے بچے قومی ایئر لائن کی پرواز کے ذریعے اچانک لندن روانہ ہوگئے ہیں۔

ایکسپریس نیوز کے مطابق نواز اور شہباز شریف کے اہل خانہ اچانک لاہور سے لندن روانہ ہوگئے ہیں، دونوں بھائیوں کے بچے علامہ اقبال انٹر نیشنل ایئر پورٹ سے لندن جانے والی قومی ایئر لائن کی پرواز پی کے 757 سے روانہ ہوئے ہیں۔

اس خبرکوبھی پڑھیں: الیکشن کمیشن نے حمزہ شہباز کو طلب کرلیا

لندن جانے والے افراد میں نواز شریف کی دوسری بیٹی اور وزیر خزانہ اسحاق ڈار کی بہواسماءعلی، شہباز شریف کی بیٹی، حمزہ شہباز کے بیوی بچے اور وزیر اعلیٰ پنجاب شہباز شریف کے صاحبزادے سلیمان شہباز شامل ہیں۔

ذرائع کا کہنا ہے کہ لندن روانہ ہونے والے افراد نواز شریف کی اہلیہ کلثوم نواز کی عیادت کریں گے جو کہ وہاں کینسر کا علاج کروا رہی ہیں۔