لاہور میں تحریک انصاف چئیرمین سیکریٹریٹ میں ہنگامہ آرائی، متعدد کارکنان زخمی

لاہور: تحریک انصاف کے چیئرمین سیکریٹریٹ میں کارکن عمران خان کے ساتھ کمرے میں گھسنا چاہتے تھے کہ انہیں سیکیورٹی عملے نے تشدد کا نشانہ بنا ڈالا۔

ایکسپریس نیوز کے مطابق لاہور میں پی ٹی آئی کے چئیرمین سیکریٹریٹ میں عمران خان اور دیگر رہنما اجلاس میں شرکت کے لئے پہنچے تھے کہ چند کارکنوں نے عمران خان کے ساتھ کمرے میں جانے کی کوشش کی تاہم سیکیورٹی گارڈز نے  کارکنوں کو تشدد کا نشانہ بنا کر زخمی کردیا۔

اس خبرکوبھی پڑھیں: پارلیمنٹ میں ہنگامہ آرائی کے پیچھے عمران خان کی سوچ کارفرما ہے

زخمی ہونے والے کارکن عمر کے مطابق پی ٹی آئی چیرمین عمران خان نے این اے 120 کی الیکشن مہم کے حوالے سے کارکنان اور مقامی رہنماؤں کو طلب کیا تھا تاکہ الیکشن کے دوران ذمہ داریان دی جائیں۔ زخمی کارکن نے بتایا کہ ہم عمران خان کے ساتھ کمرے میں جانا چاہتے تھے لیکن علیم خان اور جہانگیر ترین کے ذاتی محافظوں نے ہمیں تشدد کا نشانہ بناڈالا۔

دوسری جانب پی ٹی آئی سیکیورٹی اسٹاف کا کہنا ہے کہ عمران خان کی سیکیورٹی کے پیش نظر کارکنان کو گیٹ پر روکا گیا تھا تاہم کارکنان نے زبردستی اندر داخلے کی کوشش کی جنہیں روکا گیا اور ہاتھا پائی میں کچھ افراد زخمی ہوئے ہیں۔