نوابشاہ میں پاگل کتے نے 5 بچوں سمیت 8 افراد کو کاٹ لیا

نامہ نگار  پير 28 اگست 2017
زخمی پی ایم سی منتقل، سگ گزیدگی کے واقعات کے بعد شہر میں خوف و ہراس۔ فوٹو : فائل

زخمی پی ایم سی منتقل، سگ گزیدگی کے واقعات کے بعد شہر میں خوف و ہراس۔ فوٹو : فائل

نوابشاہ: شہر کے مختلف علائقوں میں ایک پاگل کتے نے 5 بچوں سمیت 8 افراد کو کاٹ کر زخمی کردیا جنہیں پیپلز میڈیکل کالج و اسپتال منتقل کردیا گیا ہے۔

سگ گزیدگی کے ان واقعات کے بعد شہر میں خوف و ہراس پھیل گیا اس سلسلے میں پی ایم سی اسپتال کے سینیئر سی ایم او ڈاکٹر حنیف بھنگوار نے تصدیق کی کہ اسپتال میں 5 بچوں سمیت 8 افراد کو لایا گیا ہے، دوسری جانب سگ گزیدگی کے ان واقعات کے بعد شہریوں میں سخت خوف و ہراس پھیل گیا ہے جبکہ سٹیزن ایکشن کمیٹی کے صدر اسلم نوری نے بلدیہ چیئرمین سے مطالبہ کیا کہ آوارہ کتوں کے خاتمے کے لیے ہنگامی مہم شروع کی جائے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔