گلف اسکواش: فائنل میں عامر اطلس اور ناصر اقبال مد مقابل ہوں گے

تہران: پاکستان کے عامر اطلس خان اور ناصر اقبال کی فتوحات کا سلسلہ جاری ہے، دونوں پانچویں کش  پرشین گلف اسکواش کپ کے فائنل میں پہنچ گئے۔ 

ایران میں جاری ایونٹ کے مینز سنگلزسیمی فائنل میں ناصر نے شاندار کھیل پیش کرتے ہوئے مصری کھلاڑی مہد علی انور کو دلچسپ مقابلے کے بعد 11-9،6-11 11-5، 9-11اور 11-5سے زیر کیا، دوسرے میچ میں عامر اطلس خان نے عمدہ کارکردگی کے تسلسل کو برقرار رکھتے ہوئے حریف مصر کے اینڈریو کو11-7، 11-2 اور 11-7سے شکست دے کر فیصلہ کن معرکے میں جگہ بنائی۔