اورکزئی میں جیٹ طیاروں کی بمباری، 10شدت پسند ہلاک، پشاور میں فائرنگ اہلکار جاں بحق

نمائندگان ایکسپریس  پير 18 فروری 2013
متنی میں شرپسندوں کی فائرنگ سے جاں بحق اہلکار امن لشکر کے رضاکار کا بھائی تھا۔ فوٹو: فائل

متنی میں شرپسندوں کی فائرنگ سے جاں بحق اہلکار امن لشکر کے رضاکار کا بھائی تھا۔ فوٹو: فائل

اورکزئی / پشاور: اورکزئی ایجنسی کے شورش زدہ علاقے ماموں زئی میں سیکیورٹی فورسز کے جیٹ طیاروں کی بمباری سے 10 شدت پسند ہلاک اور ان کے 4 ٹھکانے تباہ ہوگئے۔

سیکیورٹی ذرائع کے مطابق کارروائی جندری کلے اور میرقلم خیل میں کی گئی۔ دوسری جانب علاقے میں شورش کے باعث بڑے پیمانے پر لوگوں کی نقل مکانی جاری ہے۔

8

ماموں زئی اور آس پاس کے علاقوں میں پٹرول اور ڈیزل کی شدید قلت سے لوگ پیدل سفر کرنے پر مجبور ہیں۔ ادھر پشاور کے نواحی علاقے متنی کے بازار میں شرپسندوں کی فائرنگ سے پولیس اہلکار جاں بحق ہوگیا۔ فیض محمد ادیزئی امن لشکر کے رضاکار واقف خان کا بھائی تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔