سارہ لورین کونئی بھارتی فلموں میں کام کرنے کی پیشکش

لاہور: پاکستان کی معروف اداکارہ وماڈل سارہ لورین ( مونالیزا ) پرقسمت کی دیوی مہربان ہوگئی۔

فلمی پنڈتوں کی طرف سے نام تبدیل کا مشورہ رنگ لے آیا۔ ایک طرف ’’مرڈرتھری‘‘ میں ان کے کام کوسراہا جارہا ہے تودوسری جانب بالی وڈ کے بہت سے فلمسازوں نے سارہ لورین کو اپنی نئی فلموں میں سائن کرنے کے لیے رابطے شروع کردیے ہیں۔

بالی وڈ میں زبردست کامیابی ملنے پرسارہ لورین نے ’’ایکسپریس‘‘سے گفتگوکرتے ہوئے کہا کہ بالی وڈ کے فلمی پنڈتوں کی جانب سے مجھے مشورہ دیا گیا تھا کہ مجھے اپنا نام تبدیل کرنا چاہیے جس پرعمل کرتے ہوئے میں نے اپنا نام تبدیل کیاتھا۔ اس موقع پرمیرے کچھ قریبی دوستوں کا کہناتھا کہ مجھے ایسا نہیں کرنا چاہیے۔

لیکن اس کے بہترین نتائج سامنے آئے ہیں اوردوسری جانب بھٹ فیملی کے ادارے کی سپرہٹ فلم سیریز ’ مرڈر‘ کا اسکرپٹ سنایا گیا تومیں نے اپنا کردار سنتے ہی اس فلم کوسائن کرنے کا فیصلہ کرلیا تھا۔ انھوں نے کہا کہ فلم کوبھارت اورپاکستان سمیت دنیا کے بیشترممالک میںبیک وقت ریلیزکیا گیا ہے اور اس کا زبردست رسپانس ملا ہے۔

جس کی وجہ سے مجھے بالی وڈ کے چار بڑے بینرزکی جانب سے نئی فلموںکی آفرز ہوئی ہیں۔ ان میں سے دوفلمیں میں جلد ہی سائن کرونگی۔ کیونکہ ان میں مجھے مرکزی کردارآفرکیاجا رہا ہے۔ انھوں نے کہا کہ آنیوالا چند برسوں میں، میں بالی وڈ کے بڑے بینرزکی فلموںمیںدکھائی دونگی جس کے لیے شب وروزمحنت کررہی ہوں۔