شریف خاندان کے خلاف نیب ریفرنسز میں سنگین غلطیوں کا انکشاف

ویب ڈیسک  پير 11 ستمبر 2017
ریفرنسز میں کئی صفحات دو مرتبہ شامل کئے گئے ہیں جب کہ بعض اہم صفحات موجود ہی نہیں۔ فوٹو : فائل

ریفرنسز میں کئی صفحات دو مرتبہ شامل کئے گئے ہیں جب کہ بعض اہم صفحات موجود ہی نہیں۔ فوٹو : فائل

 اسلام آباد: سپریم کورٹ کے حکم کی روشنی میں شریف خاندان کے خلاف دائر کرائے گئے نیب ریفرنسز میں سنگین غلطیوں کا انکشاف ہوا ہے۔ 

ایکسپریس نیوز کے مطابق احتساب عدالت میں نیب کی جانب سے شریف خاندان کے خلاف دائر کرائے گئے ریفرنسز کی جانچ پڑتال کا عمل جاری ہے، احتساب عدالت کے فاضل جج نے رجسٹرار آفس کو دستاویزات کی جانچ پڑتال مکمل کرکے 14 ستمبر تک ریفرنس عدالت میں پیش کرنے کا حکم دیا ہے۔

اس خبر کو بھی پڑھیں : شریف خاندان کی 3 شوگر ملز کی منتقلی غیر قانونی قرار

رجسٹرار آفس کے ذرائع کے مطابق نیب کے دائر کردہ ریفرنسز میں بڑے پیمانے پر غلطیوں کا انکشاف ہوا ہے۔ کئی صفحات دو مرتبہ ریفرنسز کا حصہ بنائے گئے ہیں جب کہ ریفرنسز میں سے بعض اہم صفحات بھی غائب ہیں۔

واضح رہے کہ نیب نے سپریم کورٹ کے حکم کی روشنی میں گزشتہ ہفتے شریف خاندان اور وزیر خزانہ اسحاق ڈار کے خلاف 4 ریفرنس دائر کیے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔