- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی کے قریب ہوا دھماکا خود کش تھا، رپورٹ
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
- پی ٹی آئی کی لیاقت باغ میں جلسہ کی درخواست مسترد
- پشاور میں صحت کارڈ پر دوائیں نہ ملنے کا معاملہ؛ 15 ڈاکٹرز معطل
- پہلا ٹی20؛ عماد کو پلئینگ الیون میں کیوں شامل نہیں کیا؟ سابق کرکٹرز کی تنقید
- 9 مئی کیسز؛ فواد چوہدری کی 14 مقدمات میں عبوری ضمانت منظور
- بیوی کو آگ لگا کر قتل کرنے والا اشتہاری ملزم بہن اور بہنوئی سمیت گرفتار
- پی ٹی آئی حکومت نے دہشتگردوں کو واپس ملک میں آباد کیا، وفاقی وزیر قانون
- وزیر داخلہ کا کچے کے علاقے میں مشترکہ آپریشن کرنے کا فیصلہ
- فلسطین کواقوام متحدہ کی مکمل رکنیت دینے کا وقت آ گیا ہے، پاکستان
- مصباح الحق نے غیرملکی کوچز کی حمایت کردی
- پنجاب؛ کسانوں سے گندم سستی خرید کر گوداموں میں ذخیرہ کیے جانے کا انکشاف
شوقِ مطالعہ سے تخیل کی بلند پرواز تک
راجر بیکن کا قول ہے کہ جہاں دوست احباب کی غم خواری ناکام رہتی ہے، وہاں کتاب سکونِ دل کا کام دیتی ہے۔ ہم بچپن سے اپنے بڑوں سے یہ سنتے آئے ہیں کہ کتابوں سے دوستی کرو، کتابیں پڑھو تاکہ تمھارےعلم میں، تمھاری معلومات میں اور اردگرد پھیلی دنیا کے بارے میں تمھاری سمجھ بوجھ میں اضافہ ہو۔
اور یہی وجہ تھی کہ ہمارے گھر میں ہمیشہ سے کتابوں کی خریداری کو سراہا گیا۔ مجھے آج بھی یاد ہے کہ سال کے آخر میں میرے والد صاحب کو ان کی کمپنی سے بونس ملتا تھا اور پھر وہ مجھے کتابوں کی دکان پر لے کر جاتے تھے جہاں مجھے مکمل آزادی ہوتی تھی کہ جوچاہوں، جتنی چاہوں کتابیں خریدوں۔ اسی طرح گرمیوں کی چھٹیوں میں جب ہم پاکستان جاتے تھے تو میری والدہ دیگر تمام خریداریوں کے ساتھ ساتھ میرے لئے خاص طور پر جون جولائی میں شائع ہونے والے، بچوں کے تمام رسالے خریدلیا کرتی تھیں، اور پھر پورے سال یہ کتابیں اور رسالے میرے زیر مطالعہ رہتے تھے۔ اسی طرح ہمارے گھر میں فیروز سنز کا شائع کردہ بچوں کا انسکلوپیڈیا، میری پہلی تصویری اٹلس، آکسفورڈ ڈکشنری، فیروز اللغات و دیگر کتب نہ صرف موجود تھیں بلکہ باقاعدگی سے استعمال بھی ہوتی تھیں۔
یہ تمام یادداشتیں آپ کے ساتھ شیئر کرنے کا میرا مقصد یہ ہے کہ میرے والدین نے مجھے مطالعے کی جو عادت ڈالی، اس نے مجھے کئی طریقوں سے فائدہ پہنچایا اور کتب بینی کے یہ فوائد میں آپ سب کے سامنے بیان کرنا چاہوں گی۔
سب سے پہلے تو کتابیں پڑھنے سے آپ کی معلومات میں اضافہ ہوتا ہے۔ اس بات پر آپ یقیناً سوچیں گے کہ یہ سب معلومات تو انٹرنیٹ سے بھی ایک کلک پر میسر ہیں تو پھر کتاب ہی کیوں؟ تو جناب اس کا جواب یہ ہے کہ کتاب وہ ذریعہ معلومات ہے جو سال ہا سال آپ کے پاس محفوظ رہتی ہے۔ آپ جب چاہیں، جہاں چاہیں اسے پڑھ سکتے ہیں۔ نہ انٹرنیٹ کنکشن کا مسئلہ نہ بجلی آنے جانے کا ڈر۔
دوسری بات یہ کہ کتابیں نہ صرف آپ کی معلومات میں اضافہ کرتی ہیں بلکہ آپ کے تخیل کی پرواز کو بھی بلند تر کرتی ہیں۔ ذرا سوچیے کہ آپ ’’موئن جو دڑو‘‘ کے بارے میں کوئی کتاب پڑھ رہے ہیں؛ اور چشمِ تصور میں آپ اس کے گلی کوچوں کی سیر کررہے ہیں تو کتنا مزہ آتا ہے۔ یقین مانیے کہ گزرے زمانوں کی تہذیبوں٬ ان میں بسنے والے لوگوں کے بارے میں جاننے اور ان کے رہن سہن کے طور طریقوں کو اپنی آنکھوں سے دیکھنے کا ایک الگ ہی مزہ ہے۔
تیسرا نکتہ یہ ہے کہ مطالعے کا شوق جہاں آپ کو دیس دیس کی سیر کرواتا ہے وہاں گفتگو کےلیے آپ کو بےشمار موضوعات بھی فراہم کرتا ہے اور آپ لگے بندھے موضوعات سے ہٹ کر بھی دوسرے موضوعات پر بات کرنے کے قابل ہو پاتے ہیں۔ جیسے کہ تاریخ، جغرافیہ، سیاست، آثارِ قدیمہ وغیرہ۔ یہ نہیں کہ جیسے آج کل کا رواج بن گیا ہے کہ لوگوں کو بس اتنی ہی معلومات ہیں جو وہ مارے باندھے اسکول کالج میں پڑھ لیتے ہیں۔ اس سے ہٹ کر کسی موضوع پر بات کرو تو آئیں بائیں شائیں کرنے لگتے ہیں۔
آخر میں بس یہ ہی کہوں گی کہ برائے مہربانی کنویں کے مینڈک بنے نہ رہیے، اس کنویں سے باہر نکلیے اور دنیا کو ایکسپلور کیجیے۔ اتنی حسین دنیا اللہ تعالیٰ نے ہمارے لئے ہی بنائی ہے۔ اس کے بارے میں جانیے اور اگر آپ کو لگتا ہے کہ آج کل کتابیں مہنگی ہوگئی ہیں تو جس طرح آپ دوسری چیزوں کےلیے بجٹ بناتے ہیں، کتابوں کےلیے بھی بجٹ بنائیے۔ سال میں کم از کم ایک کتاب ضرور خریدیئے اور زیادہ نہیں تو روزانہ صرف ایک صفحہ کسی کتاب کا ضرور پڑھیے۔
یقین جانیے کہ ایک وقت ایسا ضرور آئے گا جب آپ کو کتاب پڑھے بغیر نیند نہیں آئے گی۔
نوٹ: ایکسپریس نیوز اور اس کی پالیسی کا اس بلاگر کے خیالات سے متفق ہونا ضروری نہیں۔
اگر آپ بھی ہمارے لئے اردو بلاگ لکھنا چاہتے ہیں تو قلم اٹھائیے اور 500 الفاظ پر مشتمل تحریر اپنی تصویر، مکمل نام، فون نمبر، فیس بک اور ٹویٹر آئی ڈیز اور اپنے مختصر مگر جامع تعارف کے ساتھ [email protected] پر ای میل کردیجیے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔