- قطر نے 12 سال کی فاتح سنگاپورسے دنیا کے بہترین ایئرپورٹ کا اعزاز چھین لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی پر حملہ، خودکش بمبار کی شناخت
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
کرپشن کیس: پاکستانی امپائرز پابندی و جرمانے کی زد میں آئینگے
کراچی: بھارتی ٹی وی چینل کے اسٹنگ آپریشن کی زد میں آئے ہوئے پاکستانی امپائرز کی قسمت کا فیصلہ کر لیا گیا۔
دونوں براہ راست کرپشن میں ملوث تو نہیں تاہم پی سی بی کی تحقیقاتی کمیٹی نے انھیں اس جانب مائل پایا، ندیم غوری اور انیس صدیقی پر پابندی اور جرمانہ عائد کرنیکی سفارش کر دی گئی، بورڈ کسی تنازع سے بچنے کے لیے رپورٹ پر ایکشن لینے سے گریزاں ہے، جیسے ہی بنگلہ دیش اور سری لنکا نے اپنے امپائرز کیخلاف کوئی کارروائی کی پی سی بی بھی ایسا کر گزرے گا۔ تفصیلات کے مطابق گذشتہ برس اکتوبر میں ایک بھارتی ٹیلی ویژن چینل نے امپائرز کی کرپشن کا پردہ چاک کرنے کا دعویٰ کیا تھا۔
پاکستان، سری لنکا اور بنگلہ دیش کے6 امپائرز اس تنازع میں الجھے تھے، آئی سی سی نے انھیں فوری طور پر معطل کرتے ہوئے میزبان بورڈز کو اپنے طور پر کارروائی کرنے کی ہدایت دی، تینوں ممالک نے تحقیقاتی کمیٹیز بھی قائم کر دیں جن کی رپورٹس مکمل ہوچکیں مگر سب اس انتظار میں ہیں کہ پہلے کون اعلان کرتا ہے، بنگلہ دیش سے گذشتہ روز یہ اطلاعات سامنے آئی تھیں کہ وہ سینئر امپائر نادر شاہ پر10 برس کی پابندی عائد کرنے والا ہے تاہم اب تک کوئی اعلان نہیں ہوا۔
احسان صادق کی زیرسربراہی پی سی بی کی کمیٹی بھی کچھ عرصے قبل اپنی رپورٹ تیار کر کے حکام کے سپرد کر چکی مگر تاحال اس پر کوئی ایکشن نہیں لیا گیا، ذرائع کے مطابق رپورٹ میں درج ہے کہ بھارتی صحافی نے اسٹنگ آپریشن میں اپنی بات پاکستانی امپائرز ندیم غوری اور انیس کے منہ میں ٹھونسنی چاہی اور وہ بھی اس کے جال میں پھنستے گئے۔
بار بار ان سے پوچھا گیا کہ کیا ہمارے لیے ایسا کر لیں گے تو وہ بھی آمادہ ہو گئے، گوکہ انھوں نے کسی میچ میں کرپشن نہیں کی مگر اس کی جانب مائل نظر آئے،انھیں ایسی باتیں بھی نہیں کرنی چاہئیں تھیں، اب پاکستان کا اگلا ایکشن امپائرز کو شوکاز نوٹس جاری کرنا ہو گا، انھیں وضاحت کا موقع دیا جائے گا اور پھر کچھ عرصے کی پابندی اور جرمانہ عائد کیا جائے گا، یاد رہے دونوں امپائرز پہلے ہی عارضی طور پر معطل ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔