پی آئی اے میں ڈاکٹرز اور پیرا میڈیکل اسٹاف مستقل کیا جائے

کراچی: سندھ ڈاکٹرز اتحاد نے پاکستان انٹرنیشنل ایئر لائن میں عارضی بنیادوں پرکام کرنے والے ڈاکٹرز اورپیرا میڈیکل اسٹاف کی ملازمتوںکوفوری مستقل کرنے کے لیے سیکریٹری ڈیفنس اور منیجنگ ڈائریکٹر پی آئی ائے کو خط ارسال کیا ہے۔

جس میں پی آئی ائے انتظامیہ کے رویے پر تنقید کرتے ہوئے کہا گیا ہے کہ پی آئی اے کئی سال سے ایک ہی نوعیت کا کام لینے کے باوجود عارضی طور پربھرتی کیے گئے ڈاکٹرز اور اسٹاف سے امتیازی سلوک اختیارکرتے ہوئے ان کو بغیر مراعات دیے ہوئے کام لے رہی ہے۔

لیڈی ڈاکٹرز کوزچگی کی چھٹی کے دوران تنخواہ ادا نہیں کی جاتی جو آئین کے آرٹیکل 37(e) کی خلاف ورزی ہے،فرائض کے اوقات تبدیل کیے جانے کی وجہ سے ڈاکٹر مزید تعلیم کے حصول سے قاصر ہیں، امتیاز ی سلوک ختم نہ کرنے کی صورت میں تمام ڈاکٹرز پی آئی اے میں سفراور ادارے کا سوشل بائیکاٹ کریں گے۔