آسٹریلیا سے باہمی تعلقات کا فروغ چاہتے ہیں، آرمی چیف جنرل باجوہ

ویب ڈیسک  بدھ 13 ستمبر 2017
آرمی چیف جنرل باجوہ نے آسٹریلیا کے دورے کے دوران وہاں کی فوجی و سول قیادت سے ملاقات کی۔  فوٹو: فائل

آرمی چیف جنرل باجوہ نے آسٹریلیا کے دورے کے دوران وہاں کی فوجی و سول قیادت سے ملاقات کی۔ فوٹو: فائل

کینبرا: آرمی چیف جنرل قمرجاوید باجوہ نے آسٹریلیا کی فوجی و سیاسی قیادت سے ملاقات میں کہا ہے کہ پاکستان باہمی تعلقات میں اضافے کا خواہاں ہے۔

آئی ایس پی آر کے مطابق آرمی چیف جنرل قمر جاوید باجوہ نے آسٹریلیا کا دورہ کیا اور وہاں کی عسکری و سول قیادت سے ملاقات کی۔ آرمی چیف جنرل قمر جاوید باجوہ نے آسٹریلیا کے جوائنٹ اینڈ پلاننگ ہیڈکوارٹر کا بھی دورہ کیا جبکہ  ایئرچیف مارشل مارک بنسکن اور چیف آف ڈیفنس اسٹاف سے بھی ملاقات کی۔ آسٹریلوی قیادت نے دہشت گردی کیخلاف پاک فوج کی کامیابیوں کو سراہا۔

آئی ایس پی آر کے مطابق جنرل قمر جاوید باجوہ دورے کے دوران آسٹریلوی سینیٹ کی خارجہ و دفاعی امور کمیٹی کے ارکان سے بھی ملے ۔ اس موقع پر آرمی چیف نے کہا کہ پاکستان اور آسٹریلیا کے درمیان باہمی تعلقات میں اضافے کے خواہاں ہیں۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔