فیصل آباد میں فائرنگ سے 2 افراد جاں بحق

فیصل آباد: جھمرہ گرلز ہائی اسکول کے قریب دیرینہ دشمنی پرمخالفین کی فائرنگ سے دو افراد جاں بحق ہوگئے۔

ایکسپریس نیوزکے مطابق فیصل آباد میں جھمرہ گرلزہائی اسکول کے قریب 17 سالہ نوجوان منیرپیپردینے اسکول جارہا تھا کہ نامعلوم افراد کی جانب سے فائرنگ کردی گئی جس کے نتیجے میں منیراوراس کا گن مین موقع پرہی جاں بحق ہوگئے۔

پولیس کا اس حوالے سے کہنا ہے کہ واقعہ ابتدائی تفتیش کے بعد دیرینہ دشمنی کا نتیجہ لگتا ہے جب کہ دونوں افراد کے چہرے مسخ ہوگئے ہیں جن کی لاشیں سول اسپتال منتقل کردی گئی ہیں۔