جماعت اسلامی اور پیپلز پارٹی ختم ہو رہی ہیں، جاوید ہاشمی

ویب ڈیسک  منگل 19 ستمبر 2017
جو چاہتا ہے سپریم کورٹ کو اپنے مقاصد کے لیے استعمال کر لیتا ہے ، سینئر سیاست دان۔ فوٹو: فائل

جو چاہتا ہے سپریم کورٹ کو اپنے مقاصد کے لیے استعمال کر لیتا ہے ، سینئر سیاست دان۔ فوٹو: فائل

ملتان: سینئر سیاست دان جاوید ہاشمی نے کہا ہے کہ جماعت اسلامی اور پیپلز پارٹی ختم ہو رہی ہیں۔

ملتان پریس کلب میں میڈیا سے گفتگو کرتے ہوئے جاوید ہاشمی نے کہا کہ جو چاہتا ہے سپریم کورٹ کو اپنے مقاصد کے لیے استعمال کر لیتا ہے، ہمارے ججوں نے آزادانہ فیصلے نہیں دیے، ضیا الحق نے ججوں کو آرڈر کیا تھا کہ وہ بھٹو کو پھانسی دیں۔

یہ بھی پڑھیں: منتخب وزرائے اعظم کو فارغ کرنا بدقسمتی ہے، جاوید ہاشمی

جاوید ہاشمی نے کہا کہ جماعت اسلامی اور پیپلز پارٹی ختم ہو رہی ہے، میں ایسا ہوتے نہیں دیکھ سکتا، ان دونوں جماعتوں کو زندہ رہنا چاہیے ، منصوبہ بندی کے تحت مذہبی ووٹ کو الگ کر دیا گیا ہے جب کہ اس سے پہلے وہ ن لیگ کو مل جاتا تھا، عمران خان کی مقبولیت کم ہوتی جا رہی ہے، اگر اگلے  چند مہینوں میں کلثوم نواز وزیر اعظم بن جاتی ہیں تو اس کا مطلب شاہد خاقان عباسی پر عدم اعتماد نہیں ہوگا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔