- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
فنکاروں کی حوصلہ افزائی کیلیےایوارڈ شوزکا انعقاد ہونا چاہیے؛صنم بخاری
لاہور: ناوریجن ماڈل صنم بخاری نے کہا ہے کہ دنیا بھرمیں فنون لطیفہ کے تمام شعبوں میں سب سے معتبرایوارڈ اوراعزاز ’’آسکر‘‘ کو مانا جاتا ہے۔
جن فنکاروں کویہ ایوارڈ ملتا ہے ان پرمستقبل میں مزید بہترین کا م کرنے کی ذمے داری آن پڑتی ہے لیکن جن لوگوں کی اس ایوارڈ کے لیے صرف نامزدگی ہوجاتی ہے ، وہ بھی اپنے آپ کو بے حد خوش قسمت مانتے ہیں بلکہ ان کے نام کے ساتھ پھرہمیشہ ’ آسکر‘ کا اضافہ ہوجاتا ہے۔
اس سے ’’آسکر ایوارڈ‘‘ کی قدر وقیمت کا اندازہ لگایا جا سکتا ہے۔ اس سلسلہ کو اگر بھرپور انداز سے پاکستان میں بھی شروع کیا جائے اور فنکاروں، تکنیک کاروں کی حوصلہ افزائی کے لیے زیادہ سے زیادہ ایوارڈز شوز کا انعقادکیا جائے تویقینا فنون لطیفہ سے وابستہ لوگ زیادہ محنت اور لگن کے ساتھ کام کریں گے۔ ان خیالات کا اظہار انھوں نے ’’ایکسپریس‘‘ سے گفتگو کرتے ہوئے کیا۔ صنم بخاری نے کہا کہ پاک سرزمین کی بیٹی شرمین عبید چنائی نے اپنی صلاحیتوں کے بل پر دو مرتبہ آسکر ایوارڈ حاصل کرکے پاکستان کا نام دنیا کے ان ممالک کی فہرت میں شامل کر دیا ہے، جہاں کے باصلاحیت فنکار وتکنیک کاراس ایوارڈ کوحاصل کرچکے ہیں۔
حالانکہ پاکستان میں تو دہشت گردی، مہنگائی، بے روزگاری اور لوڈشیڈنگ سمیت دیگر مسائل کی وجہ سے پہلے ہی پاکستان کے مخالفین اس کے خلاف پراپیگنڈہ کرنے سے نہیں روکتے، ایسے میں اب انھیں نا چاہتے ہوئے بھی پاکستان کو آسکر ایوارڈ کی فہرست میں دیکھ کر بے حد تکلیف پہنچتی ہے۔ انھوں نے کہا کہ اگر پاکستان کا سافٹ امیج دنیا بھرمیں متعارف کروانا ہے اور فنکاروں، تکنیک کاروں کو منفرد پہچان دلوانی ہے توپھران کے کام کوسراہنے کے لیے انھیں ایسے ایوارڈز سے نوازا جائے، جس پرصرف پاکستانیوں کو ہی نہیں بلکہ دنیابھرمیں بسنے والے فخر کر سکیں۔
ایک بات توطے ہے کہ پاکستان میں ٹیلنٹ کی کمی نہیں ہے جس کی بہترین مثال شرمین عبید چنائی کی شکل میں ہمارے سامنے موجود ہے۔ اس لیے میں سمجھتی ہوںکہ پاکستان میں فنکاروں کی حوصلہ افزائی کا سلسلہ پروان چڑھنا چاہیے اور عام لوگوں کو بھی انھیں قدر کی نگاہ سے دیکھنا چاہیے ،تاکہ فنکاربرادری محنت اور لگن سے کام کرکے وطن عزیز کا نام روشن کر سکے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔