برطانوی ماڈل کا شین وارن پر تشدد کا الزام

 لندن: سابق آسٹریلوی کرکٹر شین وارن پر برطانوی ماڈل ولیری فوکس نے تشدد کا الزام عائد کرتے ہوئے سوشل میڈیا پر چہرے پر تشدد کی تصاویر جاری کری ہیں۔

برطانوی اخبار کے مطابق شین وارن اور ماڈل ولیری فوکس میں لڑائی کا واقعہ رواں ہفتے لندن کے ایک مہنگے نائٹ کلب میں پیش آیا، ماڈل ولیری فوکس نے شین وارن کے خلاف مقدمے کیلیے پولیس کو درخواست جمع کروانے کے ساتھ سوشل میڈیا پر اپنی تصاویر شیئر کرتے ہوئے لکھا  ”وحشی درندے! تمہیں ایک خاتون پر ہاتھ اٹھانے پر بڑا فخر ہو رہا ہوگا؟“

Proud of yourself? Hitting a woman? Vile creature. pic.twitter.com/RRnn3Ycfjp

— Valerie Fox (@ValerieFoxxx) September 23, 2017

عینی شاہدین کے مطابق نائٹ کلب میں شین وارن اور ولیری فوکس کو بحث و تکرار کرتے ہوئے دیکھا جس کے بعد ماڈل اپنا منہ پکڑ کر فرش پر گر گئیں۔ لندن میٹروپولیٹن پولیس نے شکایت ملنے کے بعد معاملے کی تحقیقات شروع کردی ہیں جب کہ نائٹ کلب میں لگے سی سی ٹی وی کیمروں کی ویڈیو بھی حاصل کرلی گئی ہے جب کہ ابھی تک کوئی گرفتاری عمل میں نہیں آئی ہے۔