امریکا کی کئی ریاستوں میں برفباری، 4 افراد ہلاک

واشنگٹن: امریکا کی کئی ریاستوں نے سفید برف کی چادر اوڑھ رکھی ہے، برفباری سے 4 افراد ہلاک جب کہ  معمولات زندگی مفلوج ہو کر رہ گئی ہے۔

امریکا کی  نیو انگلینڈ اور اوہایو سمیت متعدد مغربی ریاستیں آج کل برفباری کی لپیٹ میں ہیں جس  نے معمولات زندگی  کو بھی شدید متاثر کیا ہے، ان ریاستوں میں واقع اہم شاہراہوں کو ٹریفک کے لیے بند کردیا گیا ہے  جب کہ تعلیمی ادارے بھی بند ہیں۔

موسم کی خرابی کے باعث سیکڑوں پروازیں منسوخ کردی گئی ہیں ، کیلیولینڈ ایئر پورٹ پر پھسلن کی وجہ سے لینڈنگ کے دوران مسافر طیارہ  بے قابو ہو گیا تاہم طیارے میں موجود تمام افراد محفوظ رہے، ریسکیو ٹیموں کی جانب سے برف ہٹانے کا سلسلہ جاری ہے۔