نوشہرہ: پولیس موبائل پر دستی بم حملہ اور فائرنگ، ایک اہلکار شہید،3 دہشت گرد ہلاک

نوشہرہ: پولیس موبائل پر دستی بم حملے اور فائرنگ کے نتیجے میں ایک اہلکار شہید ہوگیا جبکہ پولیس کی جوابی فائرنگ سے 3 دہشت گرد بھی مارے گئے۔

پولیس موبائل رشکئی صوابی موٹروے پر گشت کر رہی تھی کہ کرنل شیرخان انٹرچینج کے قریب 3 موٹر سائیکل سوار دہشت گردوں نے دستی بم پھینکا اور فائرنگ کی ، جس کے  نتیجے میں پولیس اہلکار عبدالناصر شہید جب کہ پولیس کی جوابی کارروائی میں تینوں دہشت بھی گرد مارے گئے۔

پولیس کے مطابق ایک دہشت گرد سے مدرسہ حقانیہ اکوڑہ خٹک کے کارڈ سمیت 2 دستی بم، 2 پستول، 2 کلاشنکوف اور خنجر برآمد ہوا ہے، پولیس نے لاشیں اور موٹرسائیکل تحویل میں لے کر تفتیش شروع کردی ہے۔