نگراں وزیراعظم، اپوزیشن تاحال مشاورت مکمل نہ کرسکی

اسلام آباد: حزب اختلاف کی جماعتوں کے درمیان حتمی طورپرنگران وزیراعظم کیلیے دوناموں پر اتفاق رائے تاحال نہیں ہوسکا۔

حزب اختلاف کی دو بڑی جماعتوں مسلم لیگ(ن)اور تحریک انصاف کے درمیان نگران وزیراعظم کیلیے مجوزہ ناموں پر مشاورت نہیں ہوسکی۔ تحریک انصاف کے ذرائع نے بتایاہے کہ مسلم لیگ(ن)کے کسی رہنما نے نگران وزیراعظم پرمشاورت کیلیے رابطہ نہیں کیا ہے اگررابطہ کیاگیاتو مرکزی قیادت مشاورت کرنے یانہ کرنے کافیصلہ کریگی۔

تحریک انصاف کے بیشترقائدین محمودخان اچکزئی کے نام پرمتفق نظر آتے ہیں،اپوزیشن جماعتوں کے درمیان اتفاق رائے ہوگیاتو آئندہ ایک ہفتے کے دوران یہ دو نام عوام کے سامنے رکھ دیے جائیں گے۔