- ویسٹ انڈیز ویمن ٹیم کا پاکستان کو ون ڈے سیریز میں وائٹ واش
- کراچی میں ایرانی خاتون اول کی کتاب کی رونمائی، تقریب میں آصفہ بھٹو کی بھی شرکت
- پختونخوا سے پنجاب میں داخل ہونے والے دو دہشت گرد سی ٹی ڈی سے مقابلے میں ہلاک
- پاکستان میں مذہبی سیاحت کے وسیع امکانات موجود ہیں، آصف زرداری
- دنیا کی کوئی بھی طاقت پاک ایران تاریخی تعلقات کو متاثر نہیں کرسکتی، ایرانی صدر
- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
سرکلرڈیٹ،مددکی پیشکش کردی،سربراہ قومی بچت
کراچی: نیشنل سیونگ آرگنائزیشن (قومی بچت) کے ڈائریکٹر جنرل ظفر محمدشیخ نے کہا ہے کہ رواں سال بیرون ملک مقیم پاکستانیوں کے لیے آن لائن سرمایہ کاری کی سہولت اور اسلامی بانڈز متعارف کرائے گی۔
حکومت کو اسکیم تیار کرکے پیش کردی گئی ہے اور جیسے ہی یہ منظور ہو گی رواں سال اسلامک بانڈ جاری کردیے جائیں گے جس میں 2ٹریلین روپے تک کی سرمایہ کاری کی گنجائش ہے، اسلامی بانڈز جاری کرنے کیلیے اسلامی بینکوں کی مدد بھی حاصل کی جائے گی۔ ان خیالات کا اظہار پیر کو ریجنل آفس میں طویل عرصہ سے ترقیوں کے انتظار کرنے والے ملازمین وافسران میں ترقیوں کے لیٹرز اور عارضی ملازمین کو کنفرم کیے جانے کے لیٹرز تقسیم کرنے کی تقریب سے خطاب اور صحافیوں سے گفتگو کے دوران کہی، اس موقع پر ریجنل ڈائریکٹر رحمت النساء نے بھی خطاب کیا جبکہ قومی بچت ہیڈ کوارٹرز کے جوائنٹ ڈائریکٹر جاوید شیخ، محمدایوب، عبدالباری بھی موجود تھے۔
ظفر محمد شیخ نے کہا کہ پاکستان اس وقت معاشی مشکلات سے دوچار ہے اور ان حالات میں قومی بچت نے اہم کردار ادا کرتے ہوئے ملک کو بھونچال سے نکالا ہے۔ انہوں نے کہا کہ ادارہ قومی بچت نے توانائی کے شعبے میں گردشی قرضوں کے حل کے لیے مالی معاونت کی پیشکش کی ہے، ادارہ قومی بچت توانائی کے شعبے میں موجود گردشی قرضوں کے حل میں مالی معاونت سمیت دیگر اہم قومی منصوبوں میں بھی حکومت کی مدد کو تیار ہیں۔ ڈی جی ادارہ قومی بچت کا کہنا تھا کہ اس ضمن میں مختلف بانڈز جاری کیے جاسکتے ہیں جس کی عوامی فروخت کے بعد حاصل ہونے والی آمدنی سے گردشی قرضوں کا مسئلہ حل کیا جاسکتا ہے ۔
جبکہ قومی اہمیت کے دیگر منصوبے بھی اسی فارمولے کے تحت شروع کیے جاسکتے ہیں۔ظفر شیخ نے بتایا کہ اسٹوڈنٹ بانڈز کا بہت ہی اچھا رسپانس ملا ہے اور اس بانڈ سے نوجوانوں اورخاص کر طالب علموں میں بچت کی عادت کو فروغ ملے گا جو خود ان کے اور ملکی معیشت کیلیے بھی فائدہ مند ہوگا۔ انہوں نے بتایا کہ رواں مالی سال کے ہدف کو کارکنوں کی انتھک محنت کے باعث محض6 ماہ میں ہی حاصل کرلیا گیا ہے، ادارہ قومی بچت سے حکومت کو ترقیاتی اور عوامی مفادات کی اسکیموں میں مدد مل سکتی ہے۔
انہوں نے قومی بچت کے عملے کو خراج تحسین پیش کرتے ہوئے کہا کہ عملے کی قلت کے باوجود ملک بھر کے380 سینٹرز پر کام کی رفتار تیز ہوئی ہے اور اب ہم نے وزیراعظم سے 1200 افراد کی بھرتیوں کی اجازت بھی حاصل کرلی ہے اور دو ہفتوں میں نئی بھرتیوں کا سلسلہ شروع کردیا جائے گا، ہماری پہلی ترجیح اداے کے ملازمین کے بچوں کو بھرتی کرنا ہے، آئندہ 6 ماہ میں قومی بچت کا اسٹاف 5500 تک پہنچ جائے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔