حکومت،فوج نے طالبان پیشکش کوسنجیدگی سے نہیں لیا، منورحسن

اسلام آ باد: جماعت اسلامی کے امیر منورحسن نے کہاہے کہ حکومت اورفوج نے طالبان کے مذاکرات کی پیشکش کوسنجیدگی سے نہیں لیاملک میں امن کے لیے طالبان کی پیشکش کوقبول کرلیناچاہیے.

اسلام آبادڈسٹرکٹ بارمیں قاضی حسین احمد وپروفیسر غفور احمد مرحومین کی یادمیں تعزیتی ریفرنس سے خطاب کرتے ہوئے منورحسن نے کہاکہ قومی سطح پرکسی بھی طرح کے اتحادکی صورت نظرنہیں آتی ہم اس نتیجے پرپہنچ چکے ہیںکہ انتخابات کی تاریخ دے دی جائے اوراسمبلیاںتحلیل ہوجائیں۔ آن لائن کے مطابق تقریب کے بعدمیڈیاسے بات چیت کرتے ہوئے منورحسن کاکہناتھاکہ صاف شفاف انتخابات کے لیے گورنرکی تبدیلیوں سمیت اپوزیشن کے تمام مطالبات پورے کیے جائیں۔

گورنرسندھ نے بارہ سال میں سوائے گرفتارقاتلوںکوچھڑانے اورسازشیںکرنے کے علاوہ کچھ نہیںکیاثنا نیوزکے مطابق انھوں نے کہاکہ باربارآزمائے ہوئوںکوووٹ دیے جاتے ہیںپھرانہی کوپانچ سالوں تک جھولیاںاٹھا اٹھا کر بدعائیں دی جاتی ہیںعوام انتخابات میںروایتی طبقات کے5 سوامیدواروںکی ضمانتیںضبط کرا دیںتوتبدیلی کوئی نہیں روک سکتا۔

نمائندے کے مطابق منور حسن کی صدارت میں ہونیوالے جماعت اسلامی کی مرکزی مجلس شورٰی کے اجلاس میںبلوچستان کی صورتحال پربحث کے بعدمتفقہ طورپرمنظورکی گئی قراردادمیں حکومت بلوچستان کی نااہلی اورعوام کے تحفظ میں ناکامی کی شدیدمذمت کرتے ہوئے وفاقی وصوبائی حکومتوں سے مطالبہ کیاگیاہے کہ وہ عوام کوامن،عدل وانصاف اورروزگارکی فراہمی کے عادلانہ اقدامات کرے اگربلوچستان میں انتخابات کے مواقع سبوتاژ کیے گئے تواس کے نتیجے میںصرف بلوچستان ہی نہیں بلکہ پورا ملک بدامنی اورآئینی بحرانوںسے دوچارہوجائے گا۔ بلوچستان میںموجودہ بدامنی عالمی قوتوںکی گریٹ گیم کاحصہ ہے.

انسانی ہلاکتوں پردانستہ چشم پوشی کاطرزعمل ملکی سلامتی کے لیے اٹھائے جانیوالے حلف سے کھلا انحراف ہے۔حکومت ایران سے گیس کی درآمداورگوادرپورٹ کی تکمیل پرتوجہ دے۔ مجلس شورٰی صوبے کے عوام سے یہ اپیل کرتی ہے کہ وہ آئندہ نااہل اورجرائم کی پشت پناہی کرنیوالوںکوووٹ نہ دیںدوسری قراردادمیںملک کی مجموعی معاشی صورتحال اور مزدوروں کے مسائل میں اضافے پرتشویش کا اظہار کیا گیا اور مطالبہ کیاگیاکہ بجٹ خسارے کوفوری کم کرنے کے لیے ٹیکس گزاروںکی تعدادمیں اضافہ کیاجائے۔