- غزہ کی اجتماعی قبروں میں فلسطینیوں کو زندہ دفن کرنے کا انکشاف
- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
- کیا عماد، عامر اور فخر کو آج موقع ملے گا؟
- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
کینیڈین وزیراعظم جسٹن ٹروڈو کو دیوالی کی مبارکباد دینا مہنگا پڑ گیا
ٹورانٹو: اپنی عوام دوستی اور عاجزانہ رویے کی بدولت دنیا بھر میں مقبول کینیڈا کے وزیراعظم جسٹن ٹروڈو دیوالی کے حوالے سے اپنے ٹوئٹر پیغام کی وجہ سے مشکل میں پھنس گئے۔
کینیڈین وزیراعظم جسٹن ٹروڈو تمام مذاہب کا احترام کرتے ہیں اور ماضی میں وہ کئی مذہبی تہواروں پر متعلقہ برادری کو اپنے تہہ نیتی پیغامات پہنچاچکے ہیں تاہم اس بار جب انہوں نے سماجی رابطوں کی ویب سائٹ ٹوئٹر پر ہندوؤں کے مذہبی تہوار دیوالی کے حوالے سے پیغام شیئر کیا تو تنگ نظر ہندوؤں نے ٹروڈو کے جذبات کو سراہنے کے بجائے الٹا انہیں ہی تنقید کا نشانہ بنانا شروع کردیا۔
جسٹن ٹروڈو نے اپنے پیغام میں لکھا کہ ’’آپ سب کو دیوالی مبارک ہو، ہم آج اوٹاوا میں دیوالی منارہے ہیں‘‘۔ بظاہر اس پیغام میں ایسی کوئی بات نہیں جس سے کسی کی دل آزاری ہو لیکن بعض انتہا پسند ہندوؤں کو جسٹن ٹروڈو کی جانب سے دیوالی کے ساتھ ’’مبارک‘‘ کا لفظ استعمال کرنا ہضم نہ ہوا اور انہوں نے کینیڈین وزیراعظم پر تنقید شروع کردی۔
Diwali Mubarak! We're celebrating in Ottawa tonight. #HappyDiwali! pic.twitter.com/HBFlQUBhWX
— Justin Trudeau (@JustinTrudeau) October 17, 2017
ایک ٹوئٹر صارف نے جسٹن ٹروڈو کو مخاطب کرتے ہوئے کہا کہ ’’جناب دیوالی مبارک نہیں بلکہ شبھ دیوالی یا دیپاوالی ہوتا ہے، مبارک عربی کا لفظ ہے ہندی کا نہیں‘‘۔ ایک اور صارف نے بھی یہاں اپنی دانشمندی ثابت کرنے کی کوشش کرتے ہوئے ٹروڈو کو مشورہ دے ڈالا کہ ’’دیوالی مبارک نہیں بلکہ دیوالی کی بدھائی‘‘ ہوتا ہے لہٰذا اس غلطی کو درست کرلیا جائے۔
Word to the wise : It's "Shubh-Deepavali", (Auspicious Deepavali), and NOT "Diwali Mubarak". "Mubarak" is Arabic, not Indian. @CanadainIndia
— Truthsayer (@a_truthsayer) October 17, 2017
دوسری جانب بعض صارفین نے دیوالی کے موقع پر جسٹن ٹروڈو کے پیغام کو سراہا اور کہا کہ ان پر کی جانے والی تنقید ناجائز ہے، ان چھوٹی باتوں پر دھیان دینے کے بجائے تہوار کی خوشیاں منائی جائیں۔ ایک صارف نے تنقید کرنے والوں سے کہا کہ ’’نہ جانے کیوں لوگوں کو مبارک لفظ سے تکلیف ہورہی ہے، مبارک محض عربی زبان کا ایک لفظ ہے، تنقید کے بجائے جسٹن ٹروڈو کے جذبے کو سراہنا چاہیے۔
You are awesome. Not sure why ppl getting offended by "Mubarak" Respect the sentiments behind, Mubarak just an Arabic word for blessing
— Shaan (@Shanyousaf6) October 17, 2017
خیال رہے کہ جسٹن ٹروڈو نے اس سے قبل رمضان اور عید کے موقع پر مسلمانوں کو بھی مبارکباد دی تھی جبکہ انہوں نے مسلمانوں کے ساتھ ایک روزہ بھی افطار کیا تھا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔